陳景輝-min

陳景輝 你柒夠未?

我一直都唔係太想成句粗口飛埋喺個blog標題度,只不過 陳景輝 今日喺明報篇文,我用左膠用語就係對弱者抽刀嘅行為,完全不知所謂。如果講有投共嫌疑, 陳景輝 一定遠大過見過達賴喇嘛嘅黃台仰十倍。 陳景輝 嘅講法,你可以肯定佢係用左膠包裝嘅投共者。

陳景輝 知唔知乜叫流亡

陳景輝 用潛逃呢個字果陣,我已經十分之反感。黃台仰咪為佢豪言壯語付出代價,流亡海外。乜 陳景輝 認為流亡海外好好玩,無錯,流亡海外一定好過劉曉波、李旺陽咁喺監獄死咗都唔知乜事,葬都唔知葬咗喺邊度,但流亡海外,見家人有困難,而喺香港嘅一切一無所有,甚至會被唔少好似 陳景輝 呢啲中共同路人抽水,或者被扮本土派嘅潛伏分子笑係懦夫。我嚟德國做生意,都被熱狗攞嚟做文章,甚至恐嚇要搵我喺德國住喺邊,有一點可以肯定, 陳景輝 文章路套,同熱普城果啲中共走狗基本上一樣,有啲嘢,真係沒有誰比誰高尚。

本土陣營可以同泛民合作,只要戰略上合理就得,但有啲人,你係無得同佢和解, 陳景輝 正係呢一類,依家 陳景輝 嘅言論,其實同未加入中共陣營前嘅馮煒光,或者一直潛伏喺民主黨好似李華明、莊陳勤之流有乜分別?甚至同投共前一兩年嘅湯家驊有乜分別?我睇唔到有乜分別。如果他朝 陳景輝 成為港共新貴,我一啲都唔意外,正如湯家驊投共都有行政會議成員佢做,位處香港最高決策層(好似係,其實唔係),如果突然有一日有「 陳景輝 議員」,我覺得有乜奇,呢條友喺分化反對陣營上立下嘅汗馬功勞,中共多少都會報答佢嘅。

咁點解我話佢柒夠未,如果佢係扮柒,我梗係要鬧爆佢,佢係真心膠,都係要鬧爆佢,呢啲係列寧講嘅,有用的傻瓜,正係 陳景輝 呢種柒頭,所以無論佢係收柯打做嘢,定係真心膠,呢次都係要鬧爆佢。其實以依家中共嘅現況,走向武力抗爭其實係遲定早嘅問題,唔到主觀意志所轉移,正如納粹德國年代,如果無German Resistance,無Aktion Rhineland(令Düsseldorf得以無血開城,避免好似Duisburg咁炸到渣都無),無Unternehmen Walküre(即係女武神行動),德國下場一定更悲慘。至於 陳景輝 ,我建議佢睇吓海航近排找唔找到租機條數先。

發表迴響

你的電子郵件位址並不會被公開。 必要欄位標記為 *