張鐵志-min

張鐵志 被拒入境事件背後嘅危機

前號外總編輯,都算有名嘅大左膠 張鐵志 被拒進入香港,呢件事一睇內情,如果以為唔關你事,我估大錯特錯,對於依家住喺海外嘅人,真係你唔知邊一日你突然好似 張鐵志 咁返唔到香港,香港身份證根本唔可以再作為保障香港人回港權利嘅保證。

張鐵志 無理由被拒來港

呢次入境處唔俾 張鐵志 入港嘅方法極惡劣,首先話佢香港身份證失效,然後申請港簽都衰埋,呢啲係入境處有心搞黑名單,而且係完全無通知當事人可以係點搞。

身份證失效呢部分,係成件事最恐怖嘅地方,當然, 張鐵志 持有嘅香港身份證,應該係有C註記嘅香港居民身份證,一個subject to immigration control嘅人,佢嘅身份證可以隨時失效,只不過,咁玩法其實都係旨在話俾海外香港人聽,佢可以隨時cancel你嘅香港身份證,特別係持外籍又多聲出嘅香港人。大家要留意,明年年底就更換智能身份證,會唔會特區政府對智能身份證資料偷天換日,等你返嚟香港連身份證都攞唔到呢,呢種馬來西亞式玩法,南洋人好清楚係有幾仆街,而香港入境部門喺中聯辦指揮下有樣學樣就變得一啲都唔奇怪。

咁呢件事會影響乜香港,揸住British Citizen或加拿大護照果啲人,中招機會固然極大,如果佢係一啲唔聽中共話嘅人,但BNO如果係行駛咗居歐權或者Tier 5 Visa都可能出現問題,反正你有乜事都可以去西方國家住,甚至因為BNA 1981 Section 4B,你都有硬第二個國家收留,就索性趕你走算數,呢種做法,你估特區政府做唔出,如果係十年前,曾蔭權政府多少都有底線,依家嘅林鄭月娥政府,喺中聯辦全面掌控之下,我睇唔到仲有乜底線喺度。BNO上面嘅香港永久居民身份證註記,其實係一個好弱嘅註記,如果中國政府唔尊重《聯合聲明》,我睇唔到有幾強能力保證果個人返到香港,喺香港可以任意唔俾人入境到呢個程度果陣。

你覺得仲有一國兩制,高度自治,張鐵志事件話俾大家聽,中國政府根本同金正恩分別唔係大,面皮厚過萬里長城,已經唔在乎面子。

3 thoughts on “張鐵志 被拒入境事件背後嘅危機

  1. 我預計到下次換証時,會要求香港人出示有效嘅外國護照才能話自己並非中國籍。甚至可能迫只持有BNO嘅香港人要在身份證申請表上聲明自己是中國籍。

  2. 都唔知下年換唔換身份證好。
    換身份證(入境探家人用) 但又唔想填國藉,梗加唔想”被”歸入中國藉,
    但係攞住護照入境,我覺得會比人跟。
    感覺就好似當年阿爺文革走難嚟咗唔敢再返去一樣。

發表迴響

你的電子郵件位址並不會被公開。 必要欄位標記為 *