洪水橋-min

洪水橋 會唔會被中資地產商玩晒

洪水橋 係香港下一個新發展區,幾乎係肯定,只不過,喺 洪水橋 政府點樣玩,係一個問題,就算大地產商收幾多地都好,如果政府喺 洪水橋 嘅賣地政策上作出改變,都可以令 洪水橋 嘅規劃結構好唔同。而依家政府嘅賣地大趨勢,就令人擔心。

洪水橋 啲地超大有乜結果

大家留意一下以下比較表,有無發現依家香港政府好鍾意賣啲地,賣到成萬平方米咁大,一萬平方米嘅土地有成十萬七千六百幾平方尺,如果有地積比率有十倍,就發展成百萬平方尺嘅地。

 財政年度 賣地數目 超過10000平方米土地數目 所佔百分率%
2013/14 39 11 28.2051
2014/15 36 11 30.5556
2015/16 22 6 27.2727
2016/17 31 14 45.1613

香港啲大地產商話有錢都好,都唔係無限彈藥唔理成本效益發展呢啲大到離晒譜嘅地皮,咁嘅賣地政策,會益咗啲乜嘢人,梗係中國資本嘅地產商,成班友走資兼殖民,駛鬼理有無成本效益,所以至會有海航集團攞晒啟德咁多塊地皇咁滯嘅怪事,雖然依家海航集團會唔會被人call loan,究竟找唔找到數,真係一個謎。但中國點只一個海航咁簡單,你睇中國其他地產商喺香港買地,買商業大廈都行為,都知道呢班唔驚蝕水嘅友仔,根本有中國人民銀行印銀紙支持。

如果 洪水橋 大部分都係成萬平方米土地咁賣,加上公屋好多人都唔到香港人租,我睇 洪水橋 日後只會變成另一個香港人好陌生,只有中國人居住嘅區域,香港地產商都仲會顧吓香港人,中國果啲國有企業就咪玩。

而且海航集團依家call loan危機仲有一個問題,如果果啲中國財團財力不繼被人call loan,啲工程爛尾,呢種情況下鎖死嘅土地資源,仲衰過依家啲地產商囤地好多,至少地產商係唔會囤官地拍賣買返嚟嘅地,因為全部都有利息成本,儘快賣樓至係皇道,而地產商亦盡量保證可以如期完成,免得影響日後同銀行嘅關係,中國啲地產商全部啲錢都係唔知邊度變出嚟,佢地慢慢嚟都仲得。更加唔好講爛尾call loan,反正啲錢去鬼晒美國。所以政府要賣地,大家一定要睇實。

發表迴響

你的電子郵件位址並不會被公開。 必要欄位標記為 *