銀行回購雷曼迷你債可以解決問題?

依家香港政府諗住叫銀行回購雷曼迷你債,以為咁樣可以解決雷曼迷你債搞出嚟嘅蘇州屎。

政府以為自己好聰明,查實呢招好硬膠。

1. 有啲雷曼迷你債,特別係同雷曼兄弟或者美聯銀行嘅資產掛鈎嘅,已經係零價值,果啲無晒價值迷你債苦主點解決,己經係個謎。

2. 另一方面,依家有好多公公婆婆係俾銀行班職員老點,以為同定期一樣咁穩買咗呢批迷你債,如果銀行回購條件係,佢地可以甩咗賠償同埋其他民事責任,你估班友制唔制?

就算全部銀行肯回購,都唔見得解決到問題,如果成棚銀行唔肯回購,咁睇住周三班友點包圍光明頂,依家四十八小時都唔夠,我真係唔知政府可以點。

發表迴響

你的電子郵件位址並不會被公開。 必要欄位標記為 *