政府解決唔到迷債呢個炸彈就係咁先

在2003年7月9日,成棚憤怒反《基本法》23條群眾,己經組織包圍光明頂,如果當時政府夾硬過《基本法》23條具體立法,到時會硬膠到點嘅程度,無人估到。如果唔係田北俊脫逃,令成個政府立法玩完,我真係唔知香港會係點。

喺五年後,估唔到雷曼兄弟迷債事件,有可能再度搞到成班友包圍光明頂。

我可以警告在先,呢次雷曼迷債苦主嘅「死士度」遠比23條群眾堅好多,因為好多人真係俾寶藥黨呃,同埋,依家呢班人係成副棺材本都放咗入去,而吉凶未知。

而政府最硬膠係,依家呢個政府就係唔敢向金融界呢班福佳宣戰,強硬處理雷曼迷債問題,連新加坡同台灣都有的資料披露,香港都無。當政府擺明官商勾結到咁嘅程度,結果就只有係膠。

依家政府唔夠四十八小時去拆咗個政治炸彈,如果四十八小時內都拆唔掂,我真係唔知立法會有乜好戲睇。因為睇個情況,隨時甘乃威加長毛加余若薇都控制唔掂班群眾。

5 thoughts on “政府解決唔到迷債呢個炸彈就係咁先

  1. 希望香港政府先知先覺, 撐銀行或股市前, 我們必須面對現實, 以前, 銀行本是好天傘 , 保險本是雨天傘, 現在歐洲,美國, 中國政府準備利用納稅人的錢撐銀行或股市….現在是時候來分析…

    美國政府7000億救市? 夠嗎? 香港金融界熟悉玩弄財技, 不要告訴我, 您們不知道 ISDA – 國際掉期及衍生工具協會是什麼?

    請詳細閱讀和分析ISDA Mid Year 2008 報告
    http://www.isda.org/press/press092508.html

    我們為什麼不利用這筆救市錢幫助人民好好生活, 還是幫助玩弄財技的基金, 債券, 銀行和保險業, 詳細閱讀和分析ISDA – 國際掉期及衍生工具協會的報告, 然後我明白什麼是無底深潭, 希望香港政府和每個小市民了解什麼是無底深潭。

    不要忘記:
    1. 如果您不支付保費, 你的保單不會生效。
    2. 如果你不支付您的抵押貸款, 銀行會追到您瘦。

    請告訴我為什麼我們需要幫助這樣玩弄財技的高手? 尤其明知是無底深潭。

  2. 個個都話要用億億聲去救股市銀行….個個只懂得叫人比錢填數?

    錢從何來?收入與支出完全失衡.

  3. 1. 我不認為救市是有效,衍生工具槓桿效應造成的負債太大。

    2. 但在雷曼迷債問題,我認為是要拉晒班銀行家。

    3. 救銀行、股市真正問題是,因為涉及太多人的積蓄和退休金,現時明顯有人質在對方手上。

  4. 北京話: 對對對!

    廣東話: 我同意拉晒班銀行和保險基金推銷員因為失實陳述! 如果沒有任何問題, 總是回答 ” Yes “. 如果有任何問題, 總是回答” No”.

    問他們是否有詳細解釋合約細節給其客戶?

    看看任總這一輪如何玩財技打老千大鱷, 贏得香港市民的信心, 香港金融中心看起來像一個世界超級貴賓賭場。

    忠告小市民投資(賭博)必須小心。

發表迴響

你的電子郵件位址並不會被公開。 必要欄位標記為 *