何志平-還押

何志平 點可能保釋?

何志平 受賄案,下個月二十號至第一次過堂,以便轉介去地方法院審理,以美國司法程序嘅冗長, 何志平 都係準備佢喺美國終老。只不過,佢可唔可以保釋,係一個疑問。雖然美國有電子腳鐐呢家嘢,理論上,佢可以喺紐約市範圍受軟禁,只不過,以 何志平 嘅情況,未必可能獲軟禁嘅待遇,因為依家佢喺大都會懲教中心,雖然環境都唔慌好(美國啲獄政不嬲都有問題),但可能 何志平 最安全嘅地方,就係美國政府嘅懲教設施,喺其他地方,恐怕美國政府要派人特別保護佢。

何志平 被人買起唔出奇

中國人嘅政府,要鏟除任何會爆政權大鑊嘅人,係唔會理果條友喺唔喺美國,國民黨政權都唔叫強,都夠薑搵竹聯幫班友買起江南,依家中共根本係目中無人,你估佢地唔夠膽喺紐約搵幫會嘅人買起 何志平 ,唔係怕 何志平 會唔會走佬,而係有人為防 何志平 自保爆大鑊,搵人買兇殺咗佢,對美國嚟講,咁樣就有如放走一條大魚一樣。依家喺大都會懲教中心,或者其他美國政府嘅監獄,至少可以確保 何志平 嘅人身安全,呢方面反而係更加緊要。

特別中國人依家未必明刀明槍咁殺,例如有中共嘅人會見 何志平 ,要喺 何志平 嘅食物落毒未必咁容易,但要下令何志平服毒自殺有無可能,只要俾嘅安家費夠豐厚, 何志平 都六十八歲,服毒自殺又有乜好奇。所以對美國嚟講,可以俾非洲果啲政要喺電子腳鐐下保釋,對果啲非洲人可能係求之不得,除咗夠安全又可以繼續享受佢地嘅奢華生活一段時間,甚至準備點處理其他財產。但 何志平 ,唔係怕佢走佬,係安全問題變咗係問題,特別台灣、香港同美國都有唔少幫會係會幫中共賣命,而依家中國果種目中無人,佢地以為江南案呢種膠法本身係唔會有問題嘅。

當然, 何志平 識唔識得計,我覺得佢未必識,因為佢唔係真係十分之了解中共歷史,越了解中共歷史,越唔會幫中共效命,因為呢班友其實仲無人性過俄羅斯佬,黑手黨或者普京仲有少少基督教教誨嘅底線(黑手黨係天主教,普京就東正教徒),中共?你覺得呢班人渣知道人類底線呢家嘢?係就唔會咁搞劉曉波,衰過納粹黨喇。

發表迴響

你的電子郵件位址並不會被公開。 必要欄位標記為 *