何志平-中轉銀行-min

何志平 何以斷正喺美國手上

何志平 洗黑錢同行賄案,我終於有時間睇晒成份FBI Speical Agent寫嘅Sealed Complaint(可以話係起訴書,或公訴書), 何志平 呢次斷正,可以咁講,你中國要搞非洲前,你班友都係搞掂香港嘅匯款系統先,仲話搞乜嘢人民幣離岸中心,班非洲佬一早堅持收美金,你搞好香港匯款系統好過。

何志平 斷正喺美國嘅中轉銀行度

大家要對國際匯款有基本概念先,除咗 SEPA 系統成員嘅歐元匯款外(果啲全部係歐洲央行結數,所以 SEPA 嘅轉帳係當本國轉帳論),啲銀行係唔可能同全世界所有銀行對數,所以一定有中轉銀行(Intermediary Bank),喺第三國代表另一方交易,而美金交易,幾乎一定喺晒紐約啲Intermediary Bank進行,一如人民幣交易,大部分 Intermediary Bank都係中國銀行一樣。而烏干達、乍得啲大人物,全部都係狼山原則之下嘅PEP,佢地係一早被人監視住。

而最大鑊係,好多中東、非洲銀行啲中轉銀行,都係狼山集團(The Wolfsberg Group)成員,例如花旗銀行、HSBC、美國銀行、德意志銀行、渣打銀行,依家美國睇洗黑錢睇得咁緊,HSBC同德意志銀行被人罰錢罰到腳都軟,佢地發現可疑交易仲唔篤你灰就奇,因為舉報咗就自己甩身,但手續費照袋。所以 何志平 咁經香港匯錢法,唔死係好難嘅。

所以起訴書有講

Bank records reflect that on or about July 3, 2015, the Energy NGO/company wired $200,000 from a bank account in Hong Kong, through a bank in New York, to an account in the name of the Gadio Firm at a bank in Dubai.

依家金管局有責任解畫,點解有筆黑錢可以喺香港經美國匯到,同埋何志平相關人士嘅往來銀行係邊一間,我唔信HSBC咁沙膽,我亦唔多信係Bank of China,因為太揚,況且Bank of China有自己嘅分行網絡,好多時啲Intermediary Bank都係自己啲分行,唔知香港邊間華資銀行最興做啲黑暗嘢。

發表迴響

你的電子郵件位址並不會被公開。 必要欄位標記為 *