一國兩制

北愛 – 一國兩制 – 香港

BREXIT三大難題之一嘅愛爾蘭邊界問題,到依家都未有任何似樣方案浮上水面,如果呢個問題無解決嘅情況去BREXIT,恐怕英國食炸彈食唔完。愛爾蘭有人提出方案,不如北愛行 一國兩制 ,雖然香港人只會覺得太X好笑。只不過,如果愛爾蘭島嘅解決方案真係 一國兩制 嘅話,恐怕英國喺香港問題上會採取堅強硬立場,屆時中國共產黨會想斬開愛爾蘭提呢個idea條友九碌。

一國兩制 點取信北愛班新教徒

北愛班新教徒同親英派,一定係唔想北愛爾蘭同南部愛爾蘭共和國統一,但如果北愛跟住BREXIT,恐怕北愛會膠到無朋友。 一國兩制 係一個有可能嘅方案,甚至保留喺英國嘅主權,只不過北愛有自己嘅國籍身份(我相信可能會出現一款同歐盟公民身份有關係嘅英國國籍,解決BREXIT衍生嘅大量奇怪問題,呢個我會另文討論),採用歐羅,保留喺成個歐盟共同關稅同盟內,甚至入埋神根區。只不過,對新教徒嚟講,如果 一國兩制 嘅話,英國點捍衛佢地嘅權益,以英國喺呢方面往績咁X差。

所以點解Boris Johnson, BREXIT主將,亦係依家嘅大口外相,喺國會回應工黨議員關於國歌法嘅提問話「一國兩制」絕對有效,呢個係乜嘢意思,就係英國要強硬捍衛《中英聯合聲明》,都係果句,《中英聯合聲明》你都捍衛唔到,你叫北愛班友接受一國兩制,北愛班友真係啋你都有味,特別DUP有能力可以令保守黨依家弱無可弱嘅政府倒台果陣。咁英國唔可以得把口,否則北愛班新教徒自己攞槍捍衛權利好過,佢地根本係北愛暴力衝突嘅始作俑者嚟。所以,英國必須喺香港問題上有實質行動,否則BREXIT三大難關之一嘅北愛問題根本唔會搞得掂,而北愛問題破局,係關乎英國內部安全問題,喺EU Citizen rights問題上仲有hard BREXIT空間,但愛爾蘭島未來嘅問題,係零hard BREXIT空間。

香港問題好似同EU無關,其實呢個城市嘅問題,已經同BREXIT撈埋成為一碟膠,呢啲膠局,唔係咁易解得到,因為實在太膠。

發表迴響

你的電子郵件位址並不會被公開。 必要欄位標記為 *