何志平-min

何志平 被割蓆:做中國打手好自為之

何志平 被捕消息傳出後,佢為中共付出咁多,但結果係乜,就係除咗佢前部下想佢平安歸來,人人割蓆,由佢啲金主,到中國外交部全部割蓆, 何志平 揸住本死人特區護照想中國外交部撐佢,結果當然係撐條毛。如果有人識 何志平 去美國探佢嘅話,勸佢不如爆大鑊好過,換取美國政治庇護、俾少啲罰款同減刑,大家都知,美國不嬲喺呢方面都有價講,美國啲檢察官為咗捉埋其他啲人同黨,俾啲條款都十分之優待。

何志平 被割蓆話俾大家聽乜

其實中共同何志平快速割蓆一啲唔令人意外,呢個係十分之中共傳統嘅做法嚟,中共為咗所謂保住自己組織,當前線嘅人出事一定係保住自己要緊,黑社會仲可能講少少義氣,共產黨就一定無義氣可以講。呢個亦係點解中國人內鬥內行,外鬥外行嘅原因,外鬥你幾成功,只會有一堆人等住做free rider,等你仆街就立即坐享其成, 何志平 咁聰明都唔知呢啲嘢,除咗一個貪字外,仲顯得呢啲友仔對中共歷史嘅無知,你投共前都唔該睇清楚你對住邊啲食人狂。

今日團結香港基金週年晚會,睇吓董建華會唔會極度深潛,唔肯回應 何志平 案,雖然睇嚟呢單案嘅幕後老闆,隨時就係董建華本人,否則點會夠膽喺美國活動,老董以為佢喺美國嘅關係夠晒照,就可以做乜都得,董建華真係對美國社會其實係點,所知都唔夠多。

無錯,美國某啲位仲會講人脈關係,但美國社會幾亂都好,始終係實力至上主義,依家 何志平 喺美國搞第二樣嘢都唔緊要,你喺Trump當政期間同美國搶油田,你班友傻鬼咗,美國搵埃克森前CEO做國務卿,同埋特朗普喺氣候政策上嘅取態,你都知佢其實嘅支持嚟自邊度,如果Trump要攞中國人嚟祭旗,一定搵石油有關嘅人,因為又可以向習近平示威,又可以向佢啲金主交代,侵總統都唔知計得幾精準,董建華識美國政治,佢真係識條毛。或者,美國政界啲人會俾吓薄面俾董建華,以往董建華掂嘅嘢同當政嘅人無衝突咪天下太平,但依家係火星撞地球呀,呢劑 何志平 真係多得董建華呢條懵丙唔少。睇嚟以後董建華都唔敢去美國㗎喇。

發表迴響

你的電子郵件位址並不會被公開。 必要欄位標記為 *