黃浩-壹週刊-min

黃浩 應該無法完成壹週刊交易

黃浩 牙斬斬講到自己將會收購《壹週刊》有幾巴閉,只不過, 黃浩 一日未完成成單deal找埋尾數,都唔係真係巴閉。而壹傳媒喺11月21日發出嘅公告,除咗澄清 黃浩 喺接受訪問果陣果啲認屎認屁嘢外,仲披露咗 黃浩 應該喺無預警下未有準時完成交易,咁樣玩放飛機,睇嚟 黃浩 俾咗果六千萬以及安全港費用,都應該準備被沒收,黎智英要自己執番掂份嘢。

黃浩 數已走

繼買方要求延長初步最後完成日期至二零一七年十一月二十一日後,賣方一直按買方有關安全港完成或交易完成將於二零一七年十一月二十一日達成的聲明而進展。在賣方並無失誤的前提下,目前並沒有收到買方的通知,安全港完成及交易完成並無於二零一七年十一月二十一日達成。賣方因而尋求法律意見,並考慮其可採取的選項。本公司將於必要時就出售事項的任何重大發展進一步刊發公告。

其實肥佬黎嘅完成要求已經好寬鬆,因為安全港完成都已經係收貨,肯定會賣,但依家係,有人連延遲交易都唔通知,成件事係no show,如果係no show,其實大部分情況下,交易已經視作失敗,只不過,壹傳媒董事局為審慎起見,話依家尋求緊法律意見,並且之後會有公報,但實情大家好清楚,就係條友根本履行唔到成個最終交易條款,走數收場。

當然,走數原因有好多,因為無人搞清楚 黃浩 係唔係真正買家,只不過係 黃浩 肯攞四千萬港紙保證金,之後再追加兩千萬港紙,如果呢筆錢夠冚財務顧問條數,咪陪佢癲吓。同上市公司做deal,無人可以兒戲到玩no show(雖然中國人好興玩呢家嘢),依家睇嚟, 黃浩 找唔找得掂安全港資產嘅虧損,即係每月五百萬條數都成疑問,如果 黃浩 有心完成單deal就會通知肥佬黎再延期,甚至追加保證金令黎智英keep住同佢傾喇。

其實 黃浩 後面乜水叫佢買壹週刊都呼之欲出,喺支爆危機一直未過,兼且依家全世界加緊留意啲黑錢流向果陣, 黃浩 邊會咁易買到壹週刊追嚟喇,佢後台老闆點抬啲錢落嚟都成疑問。其實肥佬黎不如把心一橫唔賣仔,改變營運模式殺出一條血路好過。

發表迴響

你的電子郵件位址並不會被公開。 必要欄位標記為 *