何志平-政治人物-min

何志平 參與行賄前有無諗過自己身份?

何志平 被FBI拘捕,大家食花生食得好開心, 何志平 作為眼科醫生,其實應該好細心,每一步都應該做得好精細。只不過,恕我直言,如果 何志平 案嘅案情誠如美國司法部新聞公報裡面披露咁講,佢成個行賄手段,特別由佢老人家赤膊上陣呢家嘢,十分之共產黨,蠢過豬頭丙,而且共產黨並唔會好似《戰狼》劇情咁講派條友保佢,佢都係諗吓點樣同FBI講數等唔駛坐夠廿碌好過。

何志平連自己係PEP都唔知

其實,何志平呢類人,做過民政事務局局長之後,退休除咗做番眼科醫生,就乜嘢都唔做得,理論上,佢地開銀行戶口尤其艱難,根據「狼山原則」(Wolfsberg Principles)對政治人物(Politically Exposed Persons),以下人士一定係政治人物,無走雞:

  1. 國家元首
  2. 政府首腦及部長
  3. 高級司法人員
  4. 武裝部隊首腦及高層軍官
  5. 皇室成員,相關成員具管治責任
  6. 國企高層
  7. 主要政黨高層

當初香港眾志開個戶口都咁難,係因為有人濫用狼山原則。何志平既然做過部長,佢就係PEP,美國匯錢大部分都係經一個叫Fedwire嘅網絡,而國際間嘅匯款,唔計SEPA Zone之間內部流通,都幾乎肯定要經過Society for Worldwide Interbank Financial Telecommunication(SWIFT)嘅網絡,你估美國唔會一早睇實你班投共問責官員嘅錢銀流動,我相信其實呢班大帝啲錢銀點往來,美國其實有晒紀錄,係你班豬頭丙以為美國係乜都唔知。喺狼堡原則下,呢啲大帝嘅KYC(認識你嘅客戶)程序係特別嚴,你估當局無要求額外交資料出嚟,咪傻喇。

正常嚟講,呢啲白手套,梗係搵個表面身家清白,但同政治無乜關係嘅有錢人做,但如果可以唔駛靠中共都發達嘅,就唔會傻到做呢啲白手套,所以我相信除咗何志平,香港唔少有錢佬,包括一啲已經有外國國籍嘅人赤膊上陣,畢竟中共紅二代啲戶口佢地知一早被人睇到實,依家何志平第一個爆煲,唔知仲有邊個爆煲,香港班土共賣港賊真係有得震無得瞓。

發表迴響

你的電子郵件位址並不會被公開。 必要欄位標記為 *