黃乃正-黃瀨共-min

黃乃正 (黃乃共) 可以做院長:中大用人嘅標準不嬲仆街

新亞書院校董會宣布,亂咁俾周豎峰記過,自己乃共又唔認嘅 黃乃正 繼續做新亞書院院長,雖然我唔係新亞人,但同新亞有少少淵源(喺知行樓住過暑宿囉,同埋依家校董會有人同我家有好疏淵源),只不過, 黃乃正 做院長唔意外,中大行政人員嘅政治本來就好黑暗。

新亞書院 校董會乜人都有

新亞書院校董會本來已經係龍蛇混雜,乜嘢狗屎垃圾都有,有四位校董,我一早已經吾不欲觀之,香樹輝、陳志新、湯恩佳、李明逵,你見到呢四條友嘅大名,已經唔駛旨意開胃,香樹輝呢條友當年喺中環人語講到牙斬斬話叫啲中環老闆唔好請我,但唔知我當時其實住喺中環半山(笑),陳志新同湯恩佳直頭係土共,李明逵近一兩年都開始晚節不保,所以喺呢個情況下,你覺得 黃乃正 點可能唔做院長先得?

其實依家新亞書院無晒新亞精神,第一個敗壞成個新亞書院,就係呢班所謂老屎忽校友,好似香樹輝同陳志新係選任校董,你覺得乜嘢條件可以做選任校董,梗係唔係你特別對學術或社會有貢獻,而係中大校方做咗乜嘢仆街嘢,第一時間出嚟幫校方擋箭,跟住校方俾書院或大學校董之類虛銜你做報酬,你做生意果陣,就可以攞住個銜頭四圍去也文也武,呢個就係我喺中大校友組織嘅日子認知嘅世界,核突到無朋友嘅權錢交易嚟,當大學校友係咁,校方係咁做嘢,你就明點解中大校方啲管理人員,個個都無腰骨。其實我廿年前讀大學嘅日子,班友都無乜腰骨,某程度上,我喺大學同大學行政人員交手,我係用一個more than一個普通大學生(當時我已經寫緊評論,呢個亦係我當時唔上幹事會嘅原因,一個評論人做幹事會,真係可以喺cuhk.forum被人插到後面開花)去同大學嘅人交涉,用嘅手段都係(例如校巴超載,我就報警,校方仲好意思用迫校巴嚟籌款,玩膠搵第二樣嘢班籌款嘅天才)。

所以我對中大校長以至校方行政人員嘅水準,一啲預期都無,某程度上,中大已經爛晒,係要某程度上推倒重來,由校友會到校方行政都係,但學生會因不斷有新陳代謝好少少,雖然報社啲行政腐敗都係吾不欲觀之(無計,左膠當政嘛)。

發表迴響

你的電子郵件位址並不會被公開。 必要欄位標記為 *