雪山獅子旗-min

見 雪山獅子旗 都輸波,以後舉多啲添

中國U20奧運隊有米到喺德國搵當地聯賽隊踢波當訓練,只不過係西南地方聯賽,水準已經係業餘級(我懷疑當年梁國雄踢嘅西德賽事級別都高過佢,不如請梁MP做中國隊教練算),只不過中國U20隊都可以輸0:3,波屎都算,仲賴因為有掛 雪山獅子旗 所以輸波,呢啲真係名副其實輸波賴地硬,而且係唔清楚西藏歷史,呢班契弟全部都唔應該嚟德國踢波,增加無謂碳排放。

雪山獅子旗 係中國主權證據都唔知

其實 雪山獅子旗 本來大清帝國皇帝乾隆(愛新覺羅.弘曆)御賜藏軍軍旗,唔係西藏係自古以嚟係中國一部分嘅鐵證嚟嘅咩?都係果句,中國人要屈你係搞獨立,理由係絕對莫須有,中國人成班都係秦檜嚟。達賴喇嘛一直無要求西藏獨立,只不過要西藏好似香港咁行一國兩制,只不過,作為香港人,我寧願西藏獨立好過,一國兩制已經係騙局中嘅騙局,西藏人何必仲信呢班惡棍。大清帝國某程度上,係好過中華人民共和國政府,至少大清帝國政府一直都高度尊重西藏人同藏傳佛教,呢個亦係點解西藏人可以俾金瓶掣簽制嘅背後理由。大清帝國皇帝係藏傳佛教信徒(基本上順治帝以嚟,個個都係虔誠信徒),西藏人梗係放心俾你滿洲人處理宗教事務,但你班漢人信藏傳佛教㗎,共產黨特別係成班友乜教都唔信,習近平自己扮耶穌,你話呢?

如果 雪山獅子旗 一面咁肯定中國喺西藏歷史淵源同主權嘅旗(如果中華人民共和國自已承認繼承大清帝國,雖然實際上唔係)都頂唔住,下次要中國U20奧運隊唔駛再喺德國練波好簡單,次次有賽事,成班香港入去,然後舉香港旗同Hong Kong is not China嘅橫額,我睇吓班中國U20奧運隊會唔會走上觀眾席打人,未踢奧運已經成班友留晒案底,波都唔駛踢。呢啲完全唔尊重德國言論自由嘅玻璃心,好心佢地早啲抖喇,西藏人其實已經好有禮貌,無話走去噓中國國歌,只係舉出 雪山獅子旗 咁大把。中國人點解全世界都咁乞人憎,其實係中國人自己先撩者賤,所以無人尊重佢地係應份。可以肯定係,要中國隊輸波,其實真係易過借火。

One thought on “見 雪山獅子旗 都輸波,以後舉多啲添

發表迴響

你的電子郵件位址並不會被公開。 必要欄位標記為 *