林鄭月娥 賣港-min

林鄭月娥 賣港唔貶眼

林鄭月娥 喺完全無諮詢公眾一地兩檢詳情嘅情況下,就急急同中國簽一地兩檢賣港條約,真係同當年大韓帝國啲狗官,走去快快簽日韓併合條約一樣咁仆街,成份 一地兩檢 條約仲要簽咗都唔披露內容詳情,我估就算披露條約全文都信唔過,因為 林鄭月娥 有無簽其他暗約,你根本係唔會知嘅。

林鄭月娥 賣港仲快過梁振英

梁振英都賣港嘅,只不過梁振英賣港有咁快手呢,始終呢條友係中共黨員,同埋一旦權鬥會被雙規,所以佢做嘢會暗中留一線俾自己走,雖然佢把口同佢個衰相,日後都唔會有人可憐佢,但以佢呢啲任何 emergency exit 都會為自己準備好嘅性格,佢有啲嘢講就凶狠,做就另一回事,否則梁振英一早喺2014年開槍,同埋通過咗《基本法》23條,梁振英呢個人性特徵,大家要特別注意。

林鄭月娥 唔係中共黨員,而且依家佢老公仲係British Citizen,佢仔女都係,而British Citizen退出咗可以翻閹一次,換言之, 林鄭月娥 可以搞到香港一鑊粥後返去英國,然後對香港搞到一鑊泡咁乜都唔理,所以佢賣港零舍爽手,即係好似當年出賣大韓帝國班韓國狗官,點解可以賣韓賣得咁爽,身為大韓帝國嘅大臣,唔係效忠高宗皇帝或者純宗皇帝,好簡單,成班友一早已經預定收到日本人俾佢地榮華富貴,係得唔多識日文嘅首相李完用後嚟搞到被槍擊收場(當然李完用已經汪精衛呢個類型嘅人物)。所以, 林鄭月娥 賣港唔駛本,有乜勢色唔對佢BREXIT前即去歐洲國家無人吹得佢漲,有乜事佢辭職,然後留低一個超級爛攤子就大家玩飽佢,你睇佢幫地產商到出面,就知佢同梁振英心態嘅唔同。

最後,點解我只係講丁酉七賊,無提梁振英,當然梁振英係另一個級別,只不過,如果明年真係通過一地兩檢本地立法,戊戌國賊有排你列。無錯,2018年係戊戌年,歷史上另一個好重要嘅戊戌年,就係大清帝國光緒皇帝主導嘅戊戌維新一百二十週年,戊戌維新衰咗之後,慈禧太后暴走跟住就搞出義和拳亂,以及八國聯軍攻北京嘅大頭佛。韓國人用天干地支分類啲賣國賊,真係幾有用。

發表迴響

你的電子郵件位址並不會被公開。 必要欄位標記為 *