譚衛兒-min

譚衛兒 唔收番報導就全香港杯葛支付寶同南華早報

譚衛兒 主政下南華早報,人唔似人,鬼唔似鬼,其實都預咗,點可能一個聽黨指令嘅人主政南華早報至得,只不過,依家 譚衛兒 已經唔係搞新聞,係搞政治宣傳,走去老屈人地搞港獨標語,南華早報淪落到變咗新華早報(林和立事件期間,南早任職嘅人對當時報館嘅貶稱),睇嚟需要進一步行動。

譚衛兒 唔道歉,香港人唔會俾馬雲生意做

譚衛兒 係必須向公眾道歉,最好辭職,佢做咁耐,根本係整臭成間報館,破壞呢間老牌英文報館嘅聲譽,簡直令香港蒙羞。只不過,我睇 譚衛兒 嘅厚面皮,佢係唔會辭職,杯葛南華早報係必然,只不過,我識啲朋友,大部分都唔睇南華早報,喺互聯網年代,大把英文報紙你睇,駛鬼睇染紅咗嘅南華早報咩,所以一定要有更進一步行動,對呢啲擺明當香港人為敵嘅行為還以顏色。

我個人認為,如果 譚衛兒 唔道歉,唔收番報導,下一步就係杯葛淘寶同支付寶,我已經喺Google Adsense果度,設定禁止所有阿里巴巴集團嘅廣告喺我呢度出現,如果仲有嘅話,記得話俾我聽,基本上,阿里巴巴集團任何嘢呢度都不受歡。而大家亦唔好去淘寶買嘢,亦都唔好用支付寶,如果你家中有長輩堅持用支付寶,必須直斥其非,因為馬雲由頭到尾都係視香港為敵,呢一點係十分之明顯嘅。

而如果仲唔得,範圍就擴大到接受支付寶嘅商戶都唔幫襯,特別係啲的士佬,如果的士佬竟然用支付寶,我相信果啲司機根本係藍屍嚟,我喺香港果陣,見到的士貼住工聯會logo都一概唔搭,費時變相資敵,同樣,如果有的士佬可以突破自己堅持用現金找數嘅心魔,竟然接受支付寶,呢條友唔係上晒腦嘅藍絲,我諗唔到第二樣解釋,我個人都唔係太鍾意Paypal,更何況抄Paypal嘅支付寶,支付寶絕對唔係乜嘢創新嘅金融科技,佢只不過係一個Copycat嚟。

當然,喺馬雲眼中,香港只不過係一個好細嘅城市,但香港呢個國際大城市都唔接受支付寶同淘寶,就更加唔好話其他城市。我個人憎咗馬雲好耐, 譚衛兒 嘅行動只不過會令更多香港人憎恨馬雲,以及其他親共嘅中國人。

發表迴響

你的電子郵件位址並不會被公開。 必要欄位標記為 *