特區護照-min

特區護照 仲可以捱幾耐?

德國唔賣MP5俾香港啲黑警,固然反映咗香港黑警聲譽已經掃地,因為如果香港仲係被認定係民主國家,基本上仲可以買到MP5。但更大問題,其實好多香港人無留意,如果西方國家認為香港唔再遵守一國兩制, 特區護照 前途將會係點。

特區護照 早被質疑

特區護照 享受咁多免簽,其實都係果句,唔計俄國免簽,其餘都係繼承過往英國屬土公民護照嘅優勢,亦即土共成日抹黑果本護照。如果香港仲有一國兩制,而香港嘅入境政策係高度自主,當然無問題。但依家唔係,好多高幹子弟無喇喇可以有香港永久性居民身份證,由此推論,佢地可以持有 特區護照 ,西方國家政府嘅人可以有理由相信有部分 特區護照 根本唔係發俾香港人,而係發俾一啲唔應該擁有 特區護照 嘅人。如果警隊都腐化,護照發出呢部分點可能唔腐化,因此,如果西方國家對特區政府嘅態度係轉變嘅話, 特區護照 被取消免簽證待遇只係時間問題。當然未必短時間發生,因為香港人第二代嘅國籍問題未解決,但如果呢部分問題一解決, 特區護照 嘅免簽待遇將會陸續消失,因為年青人只要可以確保他們和他們家人可以前往西方國家, 特區護照 就無必要免簽證。

好多香港人仲係睇得太多垃圾中文傳媒,以為西方國家唔做嘢,或者西方國家政府只係唯利是圖,實情並唔係咁,德國對警隊任何採購採取審犯咁審嘅態度,其實好早由歐霸攞到警車張訂單已經知乜嘢事,只不過,大家唔信真係有人咁做,結果依家保安局局長李家超自己出嚟承認膠咗,但大家都唔知,其實香港人可以享受西方社會一員地位嘅日子已經唔多。

當然,英治年代住喺香港嘅人同下一代,我相信西方有明確保證佢地嘅前途,當然最後會點做,大家好快就會知道係點。但果啲中國嚟嘅人,如果你們仲珍惜 特區護照 嘅一切,係應該出嚟捍衛香港嘅自由民主同獨立,唔係有著數就要,但力永遠唔出。依家喺出入境政策上有free lunch嘅日子快將結束,如果你們發現 特區護照 最終只不過係一疊廢紙果陣,邊個搞到成咁,你們自己問吓你們自己,究竟喺香港做咗乜嘢事。

發表迴響

你的電子郵件位址並不會被公開。 必要欄位標記為 *