MP5

德國真係唔會賣 MP5 俾香港差佬

我之前講過,香港啲黑警無乜可能再買到 MP5 嘅槍,好多黑警同五毛都唔信,如果你用中國人果套去諗德國人,梗係唔信,但依家CCTVB嘅報導證實,德國唔會再賣 MP5 零件俾香港啲黑警,如果連美國都唔賣槍,我估香港警察準備同啲匪徒用同一規格嘅裝備,亦即中國仿俄裝備。

MP5 唔賣係好正常

其實好多做開歐洲生意都知,任何同香港紀律部隊有關嘅tender都唔掂得,否則隨時中歐盟啲法規就煩到抽筋,所以大家見到依家香港差佬係揸壞車率好高嘅歐霸,無得再揸Benz Sprinter亦都係咁解。連車都賣唔到,更何況係槍,特別中國依家濫用反恐之名行打壓異已之實,歐盟更加唔會因你話要反恐就隨便賣槍俾你,除非你當歐盟班友係弱智人士。

所以 MP5 唔賣,好多槍械唔賣,未來香港警察啲裝備一定唔掂,除非香港政府就2014年嘅鎮壓認錯,但喺唔多可能嘅情況下,咁香港警察要向啲大賊學習吓使用AK-47嘅技巧,相信有更多類似禁運或減少交流會陸續有嚟,特別依家全世界都知香港政府根本唔守《中英聯合聲明》,咁德國你覺得未來仲可以有乜賣俾你?其實真係無乜嘢可以再賣俾香港警方,甚至其他紀律部隊部門,因為香港政府聲譽已經敗壞晒。

當然,你話依家香港警察有用 VW Caddy Maxi ,大家要留意, VW 喺香港嘅分公司,係隸屬中國大眾一汽集團,換言之,好可能果架車係中國嘅車,或者中國政府用啲奇怪方法買架車返嚟,依家德國政界已經對VW偽造引擎數據呢家嘢好嬲,講到VW同講賊無乜分別,如果 VW Caddy Maxi 用喺香港警方,仲要實際執行拘捕或後援等任務,只要有人知道果兩架車嘅底盤號碼,再交俾德國政府核對,好快知道果批車點搞出嚟,屆時 VW 又多樣嘢被人攞去照肺都似。歐霸後面果個意大利仲可以話係南歐退聯國家,但VW後面果個叫德國,仲要依家德國普遍對汽車工業嘅管理層印象不佳,我真係留名食花生,其實仲有幾多歐洲公司或美國公司,仲敢接香港警察嘅柯打。都係果句,香港警察中國化係自己攞嚟衰。

發表迴響

你的電子郵件位址並不會被公開。 必要欄位標記為 *