你從哪裏來?你是誰?你要到哪裏去?-min

你從哪裏來?你是誰?你要到哪裏去? 香港歸英

對讀中共黨史嘅人嚟講,依家呢代中共啲人,除咗仆街同貪錢乜都唔識,由李飛今日迫人聽演講,竟然提出 你從哪裏來?你是誰?你要到哪裏去? 呢個問題可見一斑,我對呢個問題好早有答案,而且呢個問題你越思考,你越會投身港獨或歸英運動。

你從哪裏來?你是誰?你要到哪裏去? 嘅正確答案

你從哪裏來?你是誰?你要到哪裏去? 呢個問題,其實好易答,我1996年已經思考呢個問題,因為1996年果陣無人知我會唔會最終被驅逐到倫敦或者變國際人球收場。而呢個問題,我咁答

你從哪裏來? 香港大部分人,都係反對共產黨統治嘅難民之後,少數係被中國政府驅逐嘅南洋華人,同埋喺印度同巴基斯坦都唔當係自己嘅人(你明印度種姓制度嘅仆街嘢,你就明點解香港印度裔人視香港為鄉),所以,香港呢個城市天生係反對中共,甚至反對中國,李飛問呢條問題果陣,證明佢對香港嘅真實歷史一無所知,佢應該知道大逃港呢件事。

你是誰? 如果香港係一個獨立國家,係香港人,如果香港唔係獨立國家,我答案係英國人,香港係未經公投下由英國交俾中國,呢個亦係我認為BNO必須平權嘅理由,如果香港好似新加坡咁經公投離開大英帝國,唔保留任何形式英籍亦都合情合理。好多土共五毛,似乎從未睇清楚過我爭取BNO平權嘅真正理由同論述意圖,係嘅,五毛邊會有腦。但如果你附和五毛,只顯得你都只係單細胞生物。

你要到哪裏去? 我答案係歸英,雖然我過去幾個月喺歐洲經驗話俾我聽,英國絕對講唔上係一個一流嘅國家,只不過,大家對津巴布韋搞到一鑊泡有眼見,英國人喺羅德西亞短暫歸英後匆匆俾佢獨立,依家咪鑄成大錯,因此,喺中國對香港嘅制度、文化同人口結構有如此深遠嘅破壞底下,香港需要歸英相當時間,可能要留喺英國一員幾十年,甚至香港獨立後,都要加入歐盟,其實我對居歐權嘅睇法,唔係一個喺未平權果陣俾香港人嘅太平門咁簡單,因為大家心知肚明,依家中國咁持續搞破壞落去,就係有幸獨立都有排醫。作為一個南洋人,我對歐洲宗主國匆匆離開後嘅後遺症太有深刻體會。

但無論如何,李飛問 你從哪裏來?你是誰?你要到哪裏去? 呢條問題,一條正宗港獨問題,如果我係習近平,會拉佢去秦城解決咗佢,而罪狀係佢太白痴同太on9。

One thought on “你從哪裏來?你是誰?你要到哪裏去? 香港歸英

  1. 呢條姓李嘅白撚癡問嘅三個問題,以前我喺啲耶教踢人入會播道會都好似聽過,但係出自條仆街個口,我就真係覺得佢同神棍係冇兩樣。

發表迴響

你的電子郵件位址並不會被公開。 必要欄位標記為 *