肺癆-min

香港啲 肺癆 究竟邊度嚟

有一宗本來九月就應該攞去報導嘅新聞,依家至爆出嚟真係太遲,就係沙田蘇浙公學曾經爆發 肺癆 疫情,俗稱 肺癆 嘅肺結核係法定傳染病嚟,後果非同小可。但 肺癆 呢樣嘢,本來已經無咗好耐,依家香港人想知究竟 肺癆 喺邊度嚟。

中國對 肺癆 疫情唔老實

其實英國內政部一早已經對香港同澳門嘅 肺癆 問題有警覺,英國內政部喺2015年已經要求11歲以上嘅香港和澳門居民,如果唔係有居英權,或可以豁免人士,都要提供 肺癆 健康證明,好明顯,其實香港有潛伏嘅 肺癆 問題。十一歲以下居民可以豁免因香港同澳門新生嬰孩多數打咗卡介苗,卡介苗疫苗嘅免疫仍然喺度。只不過,英國內政部有呢個要求果陣,香港政府竟然都無回應,好明顯,當時政府都應該知道啲事,都無向公眾披露。

雖然理論上,中國政府都要求所有新生嬰兒注射疫苗,但中國有幾多真疫苗固然無人知,如果中國嘅疫苗注射計劃係確實執行嘅話,點會有咁多中國人搶住嚟香港打疫苗,打到好多私家診所都有疫曲供應不足至得。好明顯,中國並無交代 肺癆 依家喺中國嘅傳染情況,而香港衛生署依家至肯爆有學校出現 肺癆 ,而記者搞到喺Google翻查紀錄至搵到係邊間出現 肺癆 疫情,我想質問陳肇始局長,係唔係想學食雞珍陳馮富珍做衛生署長果陣咁,幫中國隱暪,置香港人嘅公共健康,甚至香港旅遊業嘅前途於不顧,大家唔好唔記得,呢次係 肺癆 ,而且一次過有咁多人中招,好明顯係飛沫傳染嘅開放性肺結核菌,呢個唔係一個小嘅問題,但香港政府可以咁帶過,仲要香港人煙咁稠密,我真係唔知乜事。

你話香港會唔會出現類似沙士嘅疫情,甚至因疫症導致嘅經濟崩潰同災難,如果似依家中國政府和香港政府嘅態度,真係一啲都唔出奇,甚至香港仲有幾多疫症未有向公眾交代呢?依家都唔知,呢件事涉及嘅 肺癆 嘅菌種,睇落都唔係抗藥性強菌種,但下次就唔一定咁好彩。呢件事加上大家對沙士嘅回憶,你仲會相信香港主管衛生部門講嘅嘢嘛?我相信香港家長可能會掀起要再打卡介苗熱潮,因為香港嘅政府根本係唔可以相信。

2 thoughts on “香港啲 肺癆 究竟邊度嚟

  1. 肺癆 呢樣嘢,本來已經無咗好耐————>又唔係,其實香港一直都有個案(你見香港D阿伯成日隨地吐痰仲要吐正路中心就知幾易傳播),只係好少咁爆發,而香港人營養同衛生好左亦令病發率維持低水平。

    但俄羅斯有不少醫肺癆醫到一半搞到抗藥菌出現,大陸可能都有唔少。

發表迴響

你的電子郵件位址並不會被公開。 必要欄位標記為 *