中央政策組_Page_1-min

中央政策組 做埋啲無聊嘢就執咗佢吧

雖然我只不過係Kleine Kartoffel一件,只不過, 中央政策組 周不時寄啲座談會邀請信,只不過,呢啲 中央政策組 座談會,就算我喺香港都唔會有興趣參加,只會覺得係浪費公帑嘅行為,甚至覺得有啲官係十分之得閒。

中央政策組 關一帶一路叉事

中央政策組_Page_1-min
中央政策組_Page_1-min

乜嘢十九大經濟機遇,乜嘢大灣區,你依家 中央政策組 幫梁振英搵生意,如果 中央政策組 唔係用公帑嘅機構仲好少少,問題係 中央政策組 係一個用公帑營運嘅機構,呢啲垃圾座談會,唔該團結香港基金(做瓜香港基金至啱)董建華,梁振英等人攞自己嘅錢去搞,點解要由香港納稅人嘅錢,去資助搞呢啲垃圾活動。

跟住 中央政策組 交嘅run-down個來賓表,仲激到你吐血,呢班友講經濟,真係可以死得人多。

歡迎辭 Welcoming Remarks

 陳茂波 香港特別行政區政府財政司司長
 王偉光 中國社會科學院院長

第一節:「一帶一路」及「粵港澳大灣區」建設
主持人
陳文鴻 珠海學院一帶一路研究所所長

第二節:香港在「一帶一路」及「粵港澳大灣區」建設的角色
主持人
張家敏 馮氏集團利豐研究中心董事總經理
演講嘉賓
 聶德權 香港特別行政區政府政制及內地事務局局長

其他中國膠官邊個講,我就唔會再講埋落去,費時大家眼冤。但陳茂波,聶德權兩條友點解咁得閒,可以出席 中央政策組 嘅活動講嘢,聶德權仲可以話佢真係好得閒,因為聶德權差唔多係不管部部長,但劏房波貴為財政司司長,唔係應該好忙於明年嘅財政預算案嘅咩,點解可以仲有時間喺 中央政策組 呢啲膠活動可以亂講廿四,呢個政府啲高層個個係忙於乜嘢事身上,有無心喺民生相關嘅事上,大家由此可見一斑,真係禮崩樂壞。

另一樣嘢更大問題係, 中央政策組 喺網頁度,唔係話依家做緊改組嘅咩,點解可以咁得閒可以搞呢啲屎尿屁活動,究竟 中央政策組 嘅budget可以幾無透明度?政府可能以為, 中央政策組 個email list裡面都係果啲唔會爆響口嘅友仔,可以咁樣公帑暪天過海咁都得,我覺得呢個世界真係好荒謬。

發表迴響

你的電子郵件位址並不會被公開。 必要欄位標記為 *