Nespresso-min

Nespresso 兼容 capsule

喺香港,好多喺歐洲係好平常嘅事,都會變得又貴又無趣。好似飲 Nespresso 就係一個例子,喺香港,買咖啡機本來已經貴過歐洲好多,果啲descale嘅配劑又難買,但最膠係,除咗 Nespresso 官方 capsule 同埋馬莎嘅capsule,你無乜選擇。

Nespresso 兼容 capsule 世界

但喺德國, Nespresso 機幾乎變咗 IBM PC 兼容機嘅咖啡版,由於雀巢喺歐洲一宗 capsule 專利權嘅官司打輸咗,兼容capsule根本係無犯歐盟知識產權法律,結果成個歐洲都係 Nespresso Capsule嘅世界,超級市場有出超平,20蚊港紙一盒嘅Capsule,亦有好多唔同牌子嘅Capsule,價錢一般嚟講,都會平過 Nespresso 啲官方Capsule,但有啲咖啡味特好嘅兼容 Capsule 價錢可以同官方版本有得揮,當然,果啲貨色,喺香港就唔會出現喇。

Nespresso-min
Nespresso-min

呢張相展示嘅 Nespresso 兼容Capsule,其實只不過係最常飲果八款Lungo Size嘅Capsule,我未計Expresso Size果啲,所以歐洲好多人都買 Nespresso 機,加上 Nespresso 喺歐洲因應市場情況改變政策,喺歐洲其實係狂推平機,然後搏你入 Nespresso 會買番啲 Capsule,因為公司買 Capsule 可以扣走 VAT,市場唔同好多。而德國平嘅 Nespresso 機講緊連VAT 70EUR,大概七百蚊港紙唔駛有交易,加上細部,所以依家攞到嘅市場佔有率十分之高。

香港如果 Nespresso 嘅機同Capsule可以平好多同多選擇,我相信好多人都會改飲 Nespresso Capsule。當然環保問題,要有回收政策配合。

後話:其實我搞嘅 Duckexpress 之前好低調推銷 Capsule,我都會喺呢一兩日改改銷售package俾歐盟以外市場,只不過,喺呢度賣嘢,我都會諗諗嘅,畢竟呢度多少帶有評論同調查報導嘅性質,同商業零售有少少矛盾嘅存在。只不過,我都要諗喺捐款、賣文、廣告、Coinhive之外,仲有乜嘢營運之道,我未做到可以靠太陽能同風能維持日常生活。

發表迴響

你的電子郵件位址並不會被公開。 必要欄位標記為 *