陳帆-min

陳帆 講少句風涼話唔駛死

林鄭月娥呢屆啲狗官,承傳梁振英年代嘅特色,十分之鍾意講風涼話,運輸及房屋局局長 陳帆 ,就話年青人唔可以只係為買樓,都要追求一下理想嘅。

陳帆 講嘅係十足十嘅風涼話

陳帆 呢啲狗官,講嘅係風涼話。唔講黃之鋒果啲搞反國教運動,或者游蕙禎為幫年青人爭一口氣,一口扑嘢地方都無嘅話車埋啲老屎忽度,依家你叫年青人講理想,啲藍屍、啲死中坑或死老坑會講啲乜,話你無用,乜乜物物,如果 陳帆 認為理想咁重要,就唔該佢老人家第一件事call晒周融呢啲身為英國人走去出賣英國嘅死仆街訓話先,畢竟為老不尊,教壞子孫呢樣嘢,周融呢啲人渣係一定有份。都唔好講果啲當樓下係私人停車場咁經營嘅幫會人士喇。

羅冠聰夠勁,游蕙禎夠勁,香港歷史上最年青嘅立法會議員,但大家點對佢地,死仆街梁振英玩DQ囉,所以如果 陳帆 真理講理想,應該拖梁振英呢啲反動人渣出去打至係,而唔係因為你唔想回應我都知你根本搞唔掂嘅房屋問題,扯東拉西到呢個層面。我明白嘅,如果要解決房屋問題, 陳帆 可以做嘅其實同我呢個英籍德國居民無乜大分別,真係有權力解決呢個問題係習近平,如果習近平肯下定決心清理大批嚟到香港炒樓嘅中國黑錢,樓市問題其實好易解決。問題係,大家根本唔敢指出依家搞到樓唔係攞嚟住,係攞嚟炒嘅問題根源,係中國啲貪官嘅黑錢。呢啲嘢,真係天知,地知,習近平知,阿水都知,你 陳帆 都係唔好喺度扮無知。

當然 陳帆 口中嘅理想,係無償幫共產黨奉獻,呢啲叫毒害人類社會,咁我寧願年青人追求買樓算,雖然我討厭政治呢樣嘢,都係毒害人類社會,但一個唯利是圖嘅人做啲傷天害理嘅嘢,點都好過自以為正義化身,走去做傷天害理嘢。因為自以為正義嘅人做傷天害理嘅人,往往最不擇手段,而且佢地可以為民族理想泯滅人性。梁振英果句以國家之名可以合法殺人嘅人渣說話,堪可明證。以宗教或民族為名行惡,係特別人渣,因為呢啲人根本係假扮上帝嘅魔鬼,由基督教原教旨主義者、回教原教旨主義者、日本軍國主義者、德國納粹黨、中國共產黨,全部都係呢類冚家鏟。

發表迴響

你的電子郵件位址並不會被公開。 必要欄位標記為 *