海濱南岸-1

海濱南岸 班業委咪濫用居民嘅錢告我至得㗎

有無聽過有人打算出律師信俾傳說中嘅過氣律師信魔人,想人收聲。據我所知,愛景街違泊大聯盟打算濫用 海濱南岸 居民嘅錢出律師信,可能係過氣律師信魔人破天荒被人出律師信,當然,呢個解釋到點解做調查報導要籌多啲錢,你知有啲人幾鍾意用其他人嘅錢嚟大人。只不過,我對佢告唔告到我,深表懷疑。

海濱南岸 班違泊友以為有錢大晒

我係咁爆 海濱南岸 班友大鑊果陣,我人喺德國,呢度嘅廣告錢已經改用德國戶口收錢(因為德國嘅稅務法律),我呢個Server喺美國,你想告一個英籍德國居民喺美國Server講嘅嘢?你連定義司法管轄區睇怕都有啲難度,如果我人喺英國,仲話可能搵到英格蘭同香港同時有執業資格嘅律師,你告去美國?美國誹謗係天字第一號難告。德國?你搵到識德文律師先算,成份入稟狀要用德文寫,搵人翻譯已經一大筆,仲要德國嘅法院其實無乜效率,上個月ZDF Heutu Show至寸班德國法官無效率到退聯級數。

當然如果有人硬要去香港告,我都可能要籌旗侷住搵律師喺法院上要求剔除 May Kam 班廢柴嘅入稟狀,仲要誹謗官司要去高等法院,實要搵大狀。話雖一般呢啲剔除入稟狀嘅官司都可以攞番堂費,但大家都知,香港好少攞番十足堂費呢回事,仲要呢班友又要賴帳嘅話,我就無端端有筆錢被呢班仆街紮住甚至收唔番。

只不過,愛景街違泊大聯盟班友要出律師信,唔該用自己嘅錢,最好賣咗自己層樓同架車告人,而唔係走去用業主啲錢告人,去海外告人,唔少錢喎,好多業主都唔認同你班仆街嘅作為,仲好意思想用業主嘅公家錢幫自己打官司,你班友無嘢嘛。依家香港好多仆街業主立案法團中人,不單只利用個法團嚟cap水,仲要用法團嘅錢幫自己嘅利益服務。我覺得 海濱南岸 業主如果唔想自己啲錢用喺一場膠到無朋友嘅官司上,就快啲召開EGM,要求呢班契弟全部落台,還 海濱南岸 同愛景街安寧。

但可以肯定係,呢班友一出律師信,律師信一定原文照登,等大家睇吓原來呢個世界大把人至係堅嘅律師信魔人。我依家對律師信呢家嘢,真係識條鐵。

有圖有真相:

海濱南岸-1
海濱南岸-1

發表迴響

你的電子郵件位址並不會被公開。 必要欄位標記為 *