香港現行Theft Act夠不夠對付雷曼迷債事件

雷曼迷你債事件,似乎越玩越膠。中銀班膠人死都唔見苦主,後來話見公民黨代表的苦主,但無處理長毛代表果批,結果今日中環上演好戲。中銀做公關果班友,炒晒佢就差唔多。

以下香港電台報導摘錄
「民 主 黨 後 天 約 見 陳 家 強 商 討 雷 曼 事 件
2008-10-04 HKT 11:00

民 主 黨 候 任 立 法 會 議 員 甘 乃 威 表 示 , 民 主 黨下 周 一 將 約 見 財 經 事 務 及 庫 務 局 局 長 陳 家 強 , 商 討 雷 曼 事 件 解 決 方 法 , 亦 會 到 警 方商 業 罪 案 調 查 科 尋 求 協 助 , 要 求 警 方 調 查 銀 行 推 銷 手 法 有 沒 有 涉 及 刑 事 成 份 」

長毛支持果班苦主,都係打算報警告人訛騙。

較早前,我同林忌都提過如果香港跟隨英國修法,引進UK Fraud Act 2006,甘乃威依家報警,真係會發揮到決定性作用,因為銀行成棚友要拉晒坐花廳。問題係依家香港訛騙法仍然以UK Theft Act 1968做基礎,呢次係香港果些過期英國法律嚴厲考驗。如果律政司根本無成文法法源支持去拉人,咁香港一定要引進Fraud Act 2006填補漏洞。

唔係我同林忌未卜先知,而係呢啲問題本來就係要咁打的。香港成日話要學外國,唔該睇清楚要學外國乜嘢至得。

後話:香港左翼分子有不少,不過小弟尤其痛恨係一些口話左派,實際上對人民生活漠不關心的偽左派,例社運界汪精衛,佢的膠文對迷你債苦主完全係漠不關心,真係膠都費時俾。

延伸閱讀:
黃世澤:在英國,呢單案拉咗啦
林忌:英國早就拉咗班銀行寶藥黨

2 thoughts on “香港現行Theft Act夠不夠對付雷曼迷債事件

  1. (不熟悉法律者言) 香港好似曾經有試過判刑是援引外國普通法地區的案例, 呢次能否同樣做法?

  2. 回上面﹕案例包括很多法律觀點,但不能因此把別國的成文法搬來用,因為這是立法權,司法機關無權這樣做。

    除非可以把這種行為解釋成普通法的罪行﹖

發表迴響

你的電子郵件位址並不會被公開。 必要欄位標記為 *