BNO-TVB-min

當 TVB 都話BNO喺奧地利享有EU身份果陣

相信對好多受中聯辦柯打指令嘅傳媒嚟講,他們抹黑BNO係常識吧,更何況 TVB 。只不過,10月22日嘅 TVB 新聞,介紹香港人去奧地利學音樂,罕有咁正面提述BNO,話持BNO可以幾乎免學費讀書(象徵式廿歐羅一年),特區護照視作海外生。

TVB 唔會亂咁報

以袁志偉咁緊跟中共嘅指令,呢次 TVB 我相信唔會亂咁報,況且果個人已經畢咗業,而佢享有EU待遇嘅時間,亦同奧地利要求BNO以歐盟公民身份居留嘅情況相若,更何況呢類報導,好多時有奧地利駐港使館幕後發功,大家或者明點解Austrian Airlines會開維也納-香港航線嘅原因(正如點解陳奕迅會喺柏林開演唱會,仲要德國之聲中文部特別報導)。如果仲有啲唔係香港人,繼續藏頭露尾亂講嘢,大家可以report到佢玩完為止。我相信都係要持續對呢啲人report,直至熱普城集團消失,或BNO完整咁平權為止。

只不過 TVB 咁報BNO,我覺得好事係,至少傳媒唔敢再太亂嚟咁報,當然,某啲唔係香港人嘅人渣,係因SEO考量,明知自己身份揚咗都仲要亂講嘢,中共利用五毛喺互聯網留低好多垃圾資訊,唔好以為佢地唔識SEO。唔好事係,好多港媽會突然問一啲無知問題,例如仔女可唔可以有bNO,果啲問題,我見到都會暈。

當然,我好清楚喺BREXIT前,同BREXIT後,將會有乜嘢可行嘅solution去回應啲港媽,但如果港媽真心想仔女去維也納學嘢,唔好一句我討厭政治,就乜都唔理政治至得,港媽至少要了解吓,點解會有班BNO爭取平權,其實都係為咗下一代。國籍可以係一個護身符、太平門,亦可以係一個機會嚟,但呢點,香港人普遍係無乜概念,我諗我因為我係南洋人身份緣故,所以對呢個問題有特別明顯嘅睇法。

袁志偉咁跟黨嘅指令,呢個報導都可以出街,都應該係一個謎嚟嘅,中共乜算盤,我都未計得清,但有一點,我都會幾肯定,就係歐洲各國政府,未必再視BNO係一個英國搞出嚟嘅負累,由2009年至今,行使咗居歐權嘅人一路累積,其實歐洲國家有佢自己嘅盤算就係。比起中東難民,同埋有部分有黑社會背景嘅葡國公民,BNO正常太多。

One thought on “當 TVB 都話BNO喺奧地利享有EU身份果陣

  1. BTW , 我覺得好快BREXIT前後, BNO會有D變化, 都係果句, 未續既快D續, 呢個機會有可能關乎及影響你下一代

發表迴響

你的電子郵件位址並不會被公開。 必要欄位標記為 *