加泰隆尼亞-開片-min

加泰隆尼亞 開片在即

西班牙呢啲退聯國家,同中國一樣,啲膠力一般都難以預計, 加泰隆尼亞 獨立危機呢次表露無遺,人民黨一如所料真係取消 加泰隆尼亞 自治權,有可能遲啲就 加泰隆尼亞 議會進行大選。呢個方案,蠢到爆燈, 加泰隆尼亞 不單今晚一定宣布獨立,而且好大機會係流血衝突收場,未必係內戰,但如果你諗住係和平嘅話,除非歐盟果斷介入,否則我睇唔到呢個可能性。

加泰隆尼亞 獨立問題用最蠢方法解決

加泰隆尼亞 獨立問題,由Rajoy果種野蠻嘅回應,我已經估到劇本一定係玩到流血,或者歐盟唔想介入都要強制介入,因為人民黨政府只要肯答應去到當年社會黨政府同 加泰隆尼亞 政治嘅財政分權協議就天下太平,但當年邊件撚樣入稟憲法法院搞到今日一鑊泡嘅局面,正係Rajoy,呢啲死要面子嘅人係唔會承認自己係膠嘅,所以 加泰隆尼亞 政府嘅拖拉式回應,其實我懷疑只不過係積累一啲武裝反抗嘅實力之用,當 加泰隆尼亞 政府可以用膠方法將八千幾個淘寶淘返嚟嘅票箱收埋,你西班牙佬對此一無所知果陣,你覺得 加泰隆尼亞 唔可以用同樣方式將武器收埋,然後同你西班牙政府打游擊戰。當年愛爾蘭獨立,都係英國政府一直攞唔番愛爾蘭政府嘅管治權,連Council Tax都收唔番,所以1921年雙方越打越血腥果陣咪英國宣布任得愛爾蘭走。更何況,歐盟唔會容忍喺歐洲內部出現內戰。

有人質疑點解歐盟唔幫 加泰隆尼亞 ,一方面驚西班牙呢個歐豬債仔無 加泰隆尼亞 還唔到債, 加泰隆尼亞 獨立後駛唔駛share部分西班牙現有債務係無人傾過,另一方面,歐盟傳統係好怕干預成員國嘅內政,所以可以唔介入一般都唔介入,只不過如果係膠到太離譜,最終都會介入。況且西班牙嘅打飛機民族主義本身都搞到歐盟好多外交問題上縛手縛腳,好似承認科索沃問題就係西班牙阻止地球轉,西班牙如果適度分裂,其實可能係一件好事嚟。

西班牙人同中國人一樣咁愚蠢,和平分手從來都係最好,呢個東姑拉曼都識嘅道理,印尼人都識嘅道理,西班牙佬竟然唔識,我只能用人蠢無藥醫去形容。

發表迴響

你的電子郵件位址並不會被公開。 必要欄位標記為 *