限奶令-德國-min

德國都被中國狂搶奶粉 你覺得香港唔駛 限奶令

澳洲啲中國人掃奶粉掃到天怒人怨,究竟中國人為搶奶粉可以去到幾盡,香港點解一定要有 限奶令 。我喺Dusseldorf揀間喺火車總站嘅DM(類似萬寧、屈臣氏嘅鋪頭),嬰兒奶粉貨架空空如也嘅情況,咪知道有幾恐怖。

德國奶粉都被中國人狂掃,你覺得可以廢 限奶令 ?

限奶令-德國-min
限奶令-德國-min

呢個係2017年10月20日黃昏,喺Dusseldorf HBF內間DM嘅實況,本來呢間DM分店已經預留咗好多空間俾嬰兒奶粉,實際上,德國係唔鼓勵餵奶粉,係鼓勵餵母乳嘅,都可以啲奶粉空成咁,Dusseldorf外來移民之中,亞洲嚟,以日本人同韓國人最多(因為日韓兩國國民喺德國唔駛work and residence permit,可以喺德國至申請,一般都會批),其實中國人已經唔多,都可以掃成咁,大家可以諗吓依家中國嘅奶粉荒去到乜程度,根本全世界各國,仍然深受中國有毒奶粉問題嘅困擾,成個問題由頭到尾都未解決過。

既然遠到德國都可以搶奶粉搶成咁,大家可以推演到,任何中國人出入嘅熱門國家或地點,嬰兒奶粉可以被人狂搶到乜程度,你依家同我講廢除 限奶令 ?你無嘢嘛,如果中國海關肯開放市場,俾奶粉自由進口中國,咁都好啲,但依家係,幹部要食西方奶粉,老百姓就繼續食有毒奶粉,俾錢班仆街官員賺,呢種冚家鏟嘅政經結構唔改變,有乜條件去取消 限奶令 呀,唔好玩喇。如果依家中國嘅問題唔改變,只要有錢賺,班友真係夠膽去北極,或者去沙漠都同你掃晒啲奶粉,你覺得呢樣嘢對香港係好嘅。

當民建聯都唔敢支持廢除 限奶令 ,甚至有人支持 限奶令 保留果陣,依家大大聲要廢 限奶令 班友唔該同我解釋一下,依家廢除 限奶令 嘅依據係乜嘢,喺西方國家都被人狂掃奶粉果陣,維持 限奶令 係唯一做法,甚至有必要果陣係要收緊,確保香港人嘅子女可以飲到嬰兒奶粉,特別香港嘅母乳餵哺環境遠遠差過西方國家,無論買到嘅器材,以至工作環境、公共場所對阿媽嘅支援,以至法律,都係無辦法同西方國家相比,一個咁依賴奶粉嘅地方,面對中國要廢 限奶令 ,支持呢個主張嘅人,除咗賣港賊都無第二樣嘢形容。

發表迴響

你的電子郵件位址並不會被公開。 必要欄位標記為 *