地基情況衰過東堤小築,乜仲營運得?

今日新聞:帆布下揭真相 貓纜16號基座淘空 1日3pm起暫停營運

大家請看看東森新聞的片段,用常識想一想都知,當貓空纜車的基座,表示被掏空至一個170身高的還可以站得下時,如果再有颱風襲擊,甚至大吉利是咁講,有地震,纜車乘客條命係唔係凍過水。

貓空建造果陣實有一些問題,點都要查台北捷運公司同台北市政府有無貪腐。但另一方面,點解郝龍斌可以容忍台北捷運班膠人,俾貓空纜車營運落去,佢地都真係膽大包天,如果有乜意外究竟邊個負責。呢鋪好彩有監察委員,同埋民進黨班友睇實,如果唔係,真係我諗都唔敢諗。

好老實講,依家貓空個地基情況,隨時衰過長洲東堤小築,我想問台北捷運公司,係唔係應該徹底檢查過貓空地基穩唔穩至重新運行。我自已幾鍾意搭貓纜的,不過呢貓纜冬天果陣頗為當風,檢查安全好過大家食驚風散。

One thought on “地基情況衰過東堤小築,乜仲營運得?

發表迴響

你的電子郵件位址並不會被公開。 必要欄位標記為 *