Benedict Rogers-min-2

Benedict Rogers 事件:用大清帝國方式搞外交會出事

Benedict Rogers 被拒嚟香港呢件事,似乎越玩越大,甚至容我咁講,已經玩出個大頭佛出嚟。中國外交部班官員,保護國民識條鐵,飲飲食食搞是搞非全部都好在行,但依家做外交嘅,咁樣唔俾 Benedict Rogers 入境係出事有突。

中國使館官員以為自己仲係大清帝國朝廷命官可以隨便唔俾 Benedict Rogers 入嚟?

由外交戰略常識嚟講,中國俾 Benedict Rogers 係唯一選擇,如果佢真係要入嚟監獄探黃之鋒,更加要囑咐懲教署官員善待黃之鋒,唔好俾英國人有藉口,當然,呢啲咁簡單嘅常識,對中國官員梗係識條鐵喇,否則中國啲使館就唔會一直被識嘢嘅南洋華人話係災難嘅來源(因為實干預別國內政,但對自己嘅國民全無幫助)。

但中國使館官員果副大清帝國官員態度撞大板在於,香港係《中英聯合聲明》呢條國際條約下成立嘅城市,如果中國官員真係相信保守黨派 Benedict Rogers 係代表黨,即係保守黨想保留面子俾中國,所以派個非官式代表入嚟,中國對《中英聯合聲明》有責任下,中國唯一選擇係合作,低調合作,大家好做。依家一句主權就話大晒,英國人只會認為你班友根本係立心走數,依家呢件事係由外相Boris Johnson親自主理,因為已經涉及保守黨國際面子問題,係無得唔理嘅,唔理嘅話保守黨唔駛喺BREXIT談判上出嚟撈。你覺得英國會同你退讓,係唔係彭定康突擊來訪,香港政府敢拒絕彭定康來訪,係嘅話都會十分之大鑊,屆時唔六國大封相就奇。

仲有一個問題係,如果 Benedict Rogers 都可以禁止嚟香港,有啲只有英國國籍嘅中國眼中麻煩友,會唔會真係返唔到香港,even英國政府額外發本BNO俾佢,呢個問題我好想知答案,因為利申,我明顯係受影響果條友之一,甚至中國認為有啲BNO太麻煩,取消佢個中國國籍,等佢自動變BC後,然後永世都唔俾佢返香港,講真中國咁做,都頗難吹得佢漲嘅。當出現呢種情況,即係中國擺明走數,英國仲可以唔做嘢。

用大清帝國方式搞外交會出事,依家好明顯已經出晒事,仲搞唔掂,我食定薯條等睇戲。

發表迴響

你的電子郵件位址並不會被公開。 必要欄位標記為 *