林以諾

林以諾 唔係真係天真到信中國使館同梁美芬保到你嘛

曾經力撐鼠王芬嘅 林以諾 ,呢條友呢幾年投共都應該投得幾過癮,如果照《戰狼2》對偉大嘅中國護照嘅描述,照計以特區護照超多嘅免簽,再加吳京犯我中華,雖遠必誅嘅好強大好暴力嘅保證,再加佢成日借上帝個朵等等,應該出去旅行無事。結果佢帶一班友去坐約旦航空嘅機,班機取消,滯留曼谷,仲要被泰國扣留護照。

林以諾 幾時就佢投共悔改

唔理啲五毛點抹黑BNO都好,呢次係一件有名投共嘅hihi中咗伏,叫天不應叫地不聞,唔係啲親英友仔作古仔,呢件 林以諾 係力撐過梁美芬,所以依家香港人如果仲咁傻相信特區護照嘅話,我諗呢啲友仔嘅智商,仲衰過信性交轉運果啲友仔。

另一方面,投共究竟有無用, 林以諾 用親身經歷清楚話俾你聽,投共係唔會幫到你,反之,一旦有乜冬瓜豆腐,被人加倍恥笑就有你份,好似 林以諾 ,照計佢應該有call過梁美芬,香港入境處甚至中聯辦求救,以佢嘅身份,駛鬼打1868。但事實係,由於中國使館一向都係以大清帝國模式運作,喺倫敦班hihi,指揮香港入境處班懵炳禁止Benedict Rogers入境佢就識,要佢喺海外保護國民,唔理中國護照定持區護照持有人,佢都只不過係識條鐵。所以, 林以諾就算佢投共投到出晒名、搏晒命咁又點,又係一樣中招,上帝係明察秋毫嘅。

所以都係果句,就算當買旅遊保險都好,千祈咪再用特區護照,可以用西方國家護照,唔該用番西方國家護照,包括BNO, 林以諾 作為投共人士,其實佢都算係誠實,至少堅係攞特區護照周圍走,唔似得林鄭月娥呢位特首,老公同仔女揸晒英國公民護照,喺脫歐之前香港有乜事,可以利用2004/38/EC居歐權利一去不返都無人吹得佢漲。香港有幾多親共政棍,神棍係揸住西方國家護照,但走去呃香港人用特區護照,大家心照喇。所以千祈咪嫌BNO貴,一旦有事果陣,你十年俾果一千蚊港紙乜都抵番晒喇,依家買旅遊保都要兩舊水喇,係咪?

林以諾 唔知你依家會唔會就你投共悔改,如果你依家悔改,或者大家唔會恥笑得你咁盡嘅。共產黨強拆中國教堂,其實有啲骨氣嘅基督徒都唔應該投共。

One thought on “林以諾 唔係真係天真到信中國使館同梁美芬保到你嘛

發表迴響

你的電子郵件位址並不會被公開。 必要欄位標記為 *