Benedict Rogers-min

禁止 Benedict Rogers 嚟香港?香港人必須有所回應

根據同 Benedict Rogers (保守黨人權事務委員會副主席) 關係密切嘅文政網嘅post,準備探望黃之鋒、周永康嘅 Benedict Rogers 被香港拒絕入境,據知係中國駐英大使嘅指令。

Benedict Rogers 被拒入境反映乜?

呢次係國會人權事務委員會成員被拒入境香港後,另一次英國政壇要人被拒入境事件,我相信遲早彭定康勳爵都被拒入境,充分反映中國根本存心走數,如果英國政府乜都唔做,真係BREXIT談判真係呵呵呵。所以,英國必須有所回應,而香港人,亦要對此有所支持,包括在英在歐BNO或BC,向英國國會議員,包括彭定康,提出定立Hong Kong Bill 2017(通過後就係Hong Kong Act 2017),回應中國一連串立心走數嘅行動

我個初步建議嘅 Hong Kong Bill 2017內容,可以係咁,條文按通過難易度排

  1. 剝奪任何有份協助中共政權迫害香港人嘅英國公民或英國國民,以及其家屬其英國國籍,除非有關決定有可能令其變成無國籍人士。(我認為唔少唐人街嘅投共英國華人,係時候返中共懷抱)
  2. 內政大臣審批簽證時,不應理會任何與遮打革命或魚蛋革命相關嘅刑事罪行紀錄
  3. 禁止任何有份協助中共政權迫害香港人嘅任何國籍人士及其家屬(英國公民除外)入境
  4. 凍結任何有份協助中共政權迫害香港人嘅任何國籍人士及其家屬(包括英國公民及國民)財產,呢條可以一併制裁只有英國公民身份,有份鎮壓香港人嘅英國警官
  5. 不論父母國籍如何,不論本身有否曾持有BDTC-HK或BNO,學民思潮、本土民主前線,以及任何涉及2014年遮打革命嘅組織或個人,國務大臣可行使其權力,即時賦予英國國籍。我認為香港鄧寇克行動應該開始。
  6. BNO平權
  7. 內政大臣可以登記任何持有有效BNO人士之直系親屬為英國公民
  8. 國會授權英國首相,一旦《中英聯合聲明》出現嚴重違反情況,可以用一切程序,以其令1997年前香港之管治回復原狀。

呢個亦係對美國Marco Rubio嘅《香港人權及民主法案》嘅英國相應版本,英國應該好好把握機會,香港人都係。

One thought on “禁止 Benedict Rogers 嚟香港?香港人必須有所回應

  1. 加多個條款得唔得? 如英國有合理懷疑, 可以勒令關閉香港駐倫敦經貿辦, 甚至禁止任何代表香港o既公職人員係英國執行任何職務.

發表迴響

你的電子郵件位址並不會被公開。 必要欄位標記為 *