加泰隆尼亞-獨立-min

加泰隆尼亞 攤牌之路

加泰隆尼亞 最終宣布獨立,雖然暫緩有效,但以西班牙人民黨班法西斯殘餘嘅有限智慧,我唔認為Rajoy會識得放手,相信 加泰隆尼亞 軍警同西班牙政府人員大打出手,迫使歐洲委員會介入事件,以免歐元匯價不穩,跟住 加泰隆尼亞 應該會走向正式獨立,並加入歐盟。

加泰隆尼亞 玩得高招

加泰隆尼亞 依家玩係先宣布獨立,但隨即暫緩,係先尊重公民權利,再俾西班牙政府談判空間。如果西班牙仲喺社會黨執政,或者容易搞啲,喺 加泰隆尼亞 暫停獨立宣言期間,宣布修憲,然後令新嘅自治憲章生效,承認 加泰隆尼亞 係一個nation,咁西班牙未必會瓦解。但依家係人民黨執政,現任首相Rajoy係今日搞出大頭佛果件仆街,仲要好多西班牙人頭腦唔清仲以為呢條白痴係維持國家完整嘅英雄。換言之,呢次暫緩獨立後,如果Rajoy同西班牙啲蠢才(你睇完El Pais老總接受CNN訪問果副西人語氣,簡直作嘔,果然係一班西人嚟)仲係堅持玩強硬,就會變成斯洛文尼亞十日戰爭嘅翻版。 加泰隆尼亞 人有本事偷運成萬票箱,你班西班牙人完全懵盛盛乜都唔知,我相信依家 加泰隆尼亞 人係兩手準備,一方面爭取本錢去同歐盟以及西班牙談判,特別要更多人知道,Rajoy甚至成個西班牙都係一班蠻不講理嘅蠢才。另一方面,如果真係要大打出手,我相信 加泰隆尼亞 人,包括政府以至獨派群眾,喺組織上已經準備就緒。西班牙用軍警打壓公投,公投都仍然可以進行,就知道 加泰隆尼亞 如果真係同你西班牙玩獨立戰爭,成個西班牙同歐盟都會多得你Rajoy唔少。

當然, 加泰隆尼亞 出招,明顯係睇住德國依家展開緊牙買加組閣談判去搞出嚟,CDU/CSU同Rajoy嘅人民黨同屬EPP(歐洲人民黨集團),問題係,如果要同FDP以及左到爆燈嘅綠黨談判成功,CDU無可能盲撐人民黨,所以 加泰隆尼亞 人揀時間出手,策略上係比西班牙人民黨班蠢才高明好多,當然亦反映呢班友對歐洲政治嘅了解,比英國保守黨班no plan蠢才更高就係。(如果我係Theresa May,依家就宣布承認 加泰隆尼亞 獨立,玩殘西班牙再講,為BREXIT爭取本錢)

發表迴響

你的電子郵件位址並不會被公開。 必要欄位標記為 *