中大校巴

中大校巴 車禍:又係中國遊客亂過馬路之故?

中大校巴 一直以嚟,甚少聽到有車禍,一方面, 中大校巴 司機本身好少過勞揸車,而且 中大校巴 嘅運行環境,唔涉及高嘅車速。所以你話 中大校巴 撞到人,我聽起嚟簡直匪夷所思。但係香港依家就係連勒索貓嘅事都有,中國人搞到 中大校巴 撞傷人又有乜奇?

中大校巴 都有車禍反映中國人嘅道路使用意識

喺全世界都係,不論香港定德國,道路使用者見到中國遊客,或疑似中國遊客嘅物體,不論果個係司機定係行人都要打醒十二分精神,因為呢班友可以為咗啲好匪夷所思嘅原因,做出一啲危害路面安全嘅行為。例如為咗阻止架車開山,監粗衝出馬路。喺中大嚟講,至少中大學生嚟講,miss咗校巴咪等吓,甚至乘機走堂添,所以學生好少會咁樣玩,但如果係非中大人,係遊客,或者學生親屬,或者以為做撞車黨可以喺中大搵到食嘅,又作別論。而被撞果個人,竟然係拖住行李喼,大家諗吓喺香港,有乜人可以喺任何地方拖住個行李喼走嚟走去至得,除咗中國遊客,我真係諗唔到仲有乜人可以做得出。

道路安全意識呢樣嘢,其實係由細培養,除咗保護自己,其實講到尾,就係一個公德心嘅問題,如果你有公德心嘅話,就會行車果陣小心,例如唔好Double Parking,唔好亂過馬路,因為你除咗攞自己條命靠飛,事實上,亦都會令其他道路使用者,應付一啲突發而佢未必應付到佢嘅情況,好多時炒車就係咁樣搞出嚟。

所以我絕對唔會贊成中國司機可以嚟香港揸車,而如果中國遊客喺香港亂過馬路,如果被警方捉到,其實我傾向以後唔俾佢地入境香港,必須繳清罰款至好離開香港,同埋出境果陣,喺護照加個印,寫明呢條友係亂過馬路而令香港政府不再歡迎他們入境,因為每入一個呢啲遊客,就係為道路增加一個炸彈。喺右軚世界,班中國遊客仲可以話唔適應,但我喺歐洲左軚世界,都見到一大堆唔負責任嘅中國行人以及司機,好明顯就同左右軚適唔適應無關,而係一班慣咗喺條馬路亂嚟嘅中國人搞亂全世界。

當然,中大最好日後為校巴司機裝車cam,方便影低呢啲害人唔駛本嘅粉腸。

發表迴響

你的電子郵件位址並不會被公開。 必要欄位標記為 *