無嗱嗱要貼歐盟貼紙做乜?

仲記得小弟仲係香港中文大學學生會代表會主席果陣,當年同屆幹事會有位叫朱傑靈的高人,唔滿意中大學生證上居然無學生證三隻字,但「香港恆生銀行」的字就同中大一樣咁大,膠到無朋友。她諗咗個聽落好膠的方法,來應付呢個問題,就係印咗批叫「學生證」的貼紙,然後遮蓋在恆生銀行標誌上,之後中大學生證的式樣,就係貼咗貼紙個式樣。

依家呢個情況,可能重演在香港三百多萬英國國民身上。

請睇以下報導:

Daily Mail: EU stickers on their passports

你睇報導中膠到無朋友的改相,都估到發生乜事。

英國政府決定向現有英國護照持有人派發貼紙,講明他們在《里斯本條約》中的保護權利,即係歐盟公民權利。而現時無歐盟字樣的護照,好大機會都要貼上呢個膠到無朋友的貼紙。而2009年7月1日之後發出的護照,都會係新式樣。

呢個就係英國要提出簡化國籍法的最大理由。

如果有個BNO人,在一個無英國使館的國家出咗事,需要尋求歐盟國家保護,咁歐盟保唔保佢?如果唔保佢出咗乜冬瓜豆腐,咁打官司會打出乜嘢膠出嚟?大家都心照。

亦即係,依家BNO平權運動的最低底線,係歐盟公民權,之後CUKC的地位,BNO地位果堆膠問題,就等英國自己拆迷魂鎖咁拆掂佢。

8 thoughts on “無嗱嗱要貼歐盟貼紙做乜?

  1. BN(O) Holder 會有貼紙嗎?

    如果有既話, 是不是在BN(O)在歐盟的限制會被瓦解? (因為英國派貼紙比我地..即係BN(O)係歐盟護照)

    如果沒既, 膠既情況係唔係英國俾人告?(人地有我地無?)

    做貼紙我覺得幾醜, 亦都增加左被人偽冒的機會.

  2. 英國呢鋪係俾EU玩到捉晒蟲,如果派貼紙,BNO就係歐盟公民(作用等同在BNO上加上EU Citizen endorsement)。如果唔派,一旦有BNO人在無英國使館的國家出事,勢必極度大鑊,歐盟唔會同英國孭呢隻黑鑊。

    我只可以講,歐盟班官員高手。

    至於偽冒,因為只係貼紙,反而唔係咁大問題。

  3. 佢既貼紙係唔係貼哂成個cover 定係只蓋住D字咁…如果係成塊既蓋住….真係個餡可以唔係BN(O)…(可能我太早下判斷)

    貼紙係上面我覺得本護照真係變左無咁genuine.. 歐盟應該要”屈”英國的領事館”代勞”貼上啦…無理由要我地負責去改變護照的資料 (貼紙改封面), 如果唔係比人話偽造文件咪大鑊?

  4. To Magath:

    最好的方案,係Observation Page,亦即註明持有人有香港永久居民身份果頁,加註EU Declaration。

    因為英國公民護照真係無必要加EU Declaration,英國公民護照的封面的European Union字樣已經夠用有突。

  5. 如果有人想續期, 不如再等到明年7月, 起碼新護照有印上EU, 好睇好多! 如果閣下係外國, 最好係外國換, 因為以免駐港領事館班人玩野!

  6. 我最想知係邊一批British passports會有貼紙。

    依家仲有效ge passport應該係98年後issue,如果係BC ge passport,正如Martin個本,佢地個cover一早有EU。

    無EU應該大部份係BOTC個班人,而BNO就怪d,因為英國仲未承認BNO係EU National。

  7. 直布羅陀BOTC都有EU字樣好耐,而英國好多海外屬土都入左Article 299的例外清單,唔可能有EU字樣。況且佢地的權利,可以透過取得British Citizen來保障。

    British Citizen要加有關字樣, 得曼島護照。

    依家似係EU借呢招迫英國政府表態。

發表迴響

你的電子郵件位址並不會被公開。 必要欄位標記為 *