你還敢癡癡地等周四救市方案嗎?

成班不知所謂財經演員,成個朝早不斷講周四救市方案會過,周四救市方案會通,呃啲師奶嘅情況,同班銀行sell屎有得揮。

我私底下同朋友講,要學投資係要經濟同政治兩者皆通至掂,因為股市同其他投資工具,喺一啲關鍵時刻嘅前途,係受到政治所影響。

今年眾議院議席改選,加上總統大選,無人想喺自己連任問題上同自己開玩笑,所以我並不認為周四會通過救市方案,就算通過了,金額都可能大幅削減,或有很多附加條件。咁大家仲認為,呢個救市方案能夠扭轉形勢咩?

如果你想搏周四救市方案都過到,反彈無咁傷拋貨,that’s fine,否則,我不認為個市已經救到。救市方案,始終是政治決定,而美國中南部班人唔買華爾街賬,注定係要改朝換代。

5 thoughts on “你還敢癡癡地等周四救市方案嗎?

  1. 共和黨發脾氣,好大程度係因為民主黨唔願意承認責任,特別係 CRA 的責任,唔承認責任都算,責任可以暫時不追究,但民主黨還要耍嘴把責任推卸給共和黨身上,這一點不能接受。

  2. 轉貼:

    http://appledaily.atnext.com/template/apple/art_main.cfm?iss_id=20080930&sec_id=4104&subsec_id=15337&art_id=11664964&cat_id=6771675&coln_id=11331085

    1.

    美國15個人口最多的地區中,CRA銀行放的房屋貸款只為22.8%;至於高危的的高息貸款(因為要比高息,所以更易還唔起,要收皮),CRA銀行更只佔了不到10%(即係其他銀行亂黎比率高好多)
    換言之,關鬼CRA事咩,咪賴啦……

    http://www.traigerlaw.com/publications/traiger_hinckley_llp_cra_foreclosure_study_1-7-08.pdf

    2.

    同意好悶所言!實情係,唔係所有銀行都要跟CRS;有近半次按貸款,係由非CRS監管的機構發出的。佢地點解咁做?無他,d債放完,立刻就變成金融商品賣出去架啦!(就是所謂的originate-to-distribute)!最終都唔關佢事,佢駛乜理你有幾多風險!所以話,問題根本唔在CRS,而在於證券化!

  3. 證券化本來唔係問題,亂玩衍生工具至係問題,CRA嘅問題係鼓勵銀行放貸俾還款能力成疑嘅人。

    本來最合理王道的做法,係政府提供公共房屋給中下層,有錢還得起就按揭買樓,無能力的,由政府租樓。

    不倫不類市場化的結果,咪玩出個大頭佛。

  4. 其實換句話講,CRA 同領匯呢籠嘢都有少少異曲同工 – 政府應該擔起嘅嘢又唔想擔晒,街外又有人想分一杯羹食下油水,於是就變成官商勾結利益輸送,造餅送畀某啲人食。

    不過美國呢次係弊在用咗幾十噸大麻整個病,食到成街人中晒毒…領匯嗰啲,都不過係搶走一大堆人手中嘅餅搶走,併埋做個大嘅送畀一少撮人食咁解。

  5. CRA 的對樓價的影響是十分廣泛的,完全唔分一手樓還是二手樓,就算唔需要做 CRA 的銀行,佢地只要借錢俾人,就要因為 CRA 而受損失。

    如果以為 CRA 只係影響與 CRA 有關的樓價,其他銀行的損失就唔係 CRA 的責任,咁係講唔過去的。

發表迴響

你的電子郵件位址並不會被公開。 必要欄位標記為 *