德國大選-min

德國大選 給大家嘅教訓:共產殘餘必須清理

我好少喺0718HKT講國際嘢,但由於 德國大選 對香港、台灣有相當啟迪作用,加上我應該會0918 HKT呢節貼出我喺蘋果日報寫嘅BNO文章,所以,早晨時間我會分析 德國大選 一個好令人意外嘅部分,前東德地區,包括東柏林,竟然出現親納粹嘅另類選擇黨(AfD)大勝嘅情況。

德國大選 話俾大家聽共產殘餘必須清理

德國大選-min
德國大選-min

根據德國廣播聯盟(ARD)嘅結果,前東德地區票站調查結果係黐線,前東德共產黨走出嚟嘅Die Linke(左黨),竟然有16.5%支持,多過SPD,而極右嘅AfD真係大有斬獲,支持率竟然去到21.5%,呢次AfD啲票由邊度爆出嚟,大家都可以睇得十分之清楚。

前西德地區(包括西柏林),AfD幾乎係過街老鼠,人人喊打,因為前西德地區嘅反納粹教育做得好足,所以民眾好清楚,納粹果套係唔可以接受,甚至喺NRW等西部州分,佢地移民政策係比柏林中央政府更左膠。但東德地區,喺二次大戰後受共產黨統治,你點建立呢班友嘅民主信仰?而共產黨果套,同納粹黨果套,根本有好大程度上嘅互換性,你睇依家中共玩緊果套已經明,所以喺轉型正義喺前東德地區根本無點做過果陣,啲老人家唔係投票俾前共產黨變出嚟嘅Die Linke,就結果將佢地嘅經濟問題賴晒啲移民度,AfD啲呃人票就咁嚟。一個半生受共產黨統治嘅人,未必有好強嘅判斷力,去判斷啲政治騙徒。點解好多中國移民,千方百計嚟到香港後,竟然仍然支持中共,或中共嘅附庸黨如民建聯,其實原理係一樣嘅。

所以 德國大選 用實例講清楚,如果香港要民主夠穩定,台灣要民主夠穩定,中共同國民黨啲殘餘必須有效清理,而且唔可以再俾中共或國民黨有任何滲透上嘅嘢捲土重來,否則一定搞出好大麻煩。前東德地區,大家要留意,幾乎勃蘭登堡州全境,以及東柏林都收到西德ARD同ZDF嘅廣播,都可以搞到咁,你覺得自由互聯網可以改變中國人嘅思想,咪玩喇。果啲中國移民,隨時變成咗民主嘅敵人都唔知。如果南韓被迫吞北韓落肚,我更加諗唔到將會係點嘅災難。

發表迴響

你的電子郵件位址並不會被公開。 必要欄位標記為 *