Mr.wally

Mr.Wally 賣唱事件:憑乜唔俾佢唱?

日籍歌手 Mr.Wally 攞住 Working Visa,但唔俾喺旺角行人專用區賣唱,警方理由話佢唔係本地人。呢件事,我真係感到十分之荒謬。 Mr.Wally 攞係Working Holiday Visa嘅話,佢喺香港係理論上做乜都得,依家警方嘅決定,好明顯係種族及國籍歧視,可以搵平等機會委員會郁警方。

Mr.Wally 賣唱權利視乎簽證

對賣唱權利,我睇法好簡單,呢個係一個Immigration Law嘅問題,如果果度係容許賣唱,或者賣唱要permit,個permit係簡易方式申請,咁我睇係果個人有無有效working visa。 Mr.Wally 係持有效Working Holiday Visa,港府唔俾佢唱,就係歧視,好簡單。相反,唔少大媽我有理由懷疑雙程證人士嚟,我依家反而想知道,旺角警署係唔係有人要包庇中國人,甚至收咗片。因為旺角行人專用區呢班大媽,星期日製嘅嘈音滋擾,都已經夠出告票有突,點解警方可以唔駛執法,唔怪得人人叫警察做黑警。

我一向好一視同仁,如果香港人喺EU唱又點呢,如果果位香港人持BNO, BC, 葡國護照或任何歐盟護照,只要按番當地嘅簡易程序申請,包括申請相應嘅營業准許,以及演奏准許,我歡迎嘅,亦係佢嘅權利。但如果特區護照持有人,夠薑去賣唱,仲要無牌果隻,我實公開鬧爆你,因為呢個叫違例工作,同旺角啲大媽係一樣,而嶺南文研系有件左膠,叫Chong Kwan Ho,未經許可喺維也納街頭彈奏,俾人罰廿蚊歐羅,仲要講到自己好型咁

維也納-min
維也納-min

我問條友係唔係攞BNO或其他EU Passport就𠵱𠵱哦哦,大佬,維也納市政府規定,喺第1-6區演奏都要攞permit,但個permit都係講緊七歐羅都唔駛,喺德語地區,廿蚊歐羅以下嘅permit都係幾乎睇完你passport,如果唔駛work permit就出梗(你喺德國攞商業登記證一樣)。但如果Non-EU passport,法例無話唔出俾你,但你一街頭收錢演奏就隨時係work without permit,掟你出境都仲得。呢啲人係香港人我都照丙,呢啲人同大媽無分別。

我唔搬龍門嘅,有work permit,有正當權利,唔擾民,不論國籍都應該准許,無permit嘅,唔該早抖,邊一國,邊一國籍都一樣。

發表迴響

你的電子郵件位址並不會被公開。 必要欄位標記為 *