澳門

星期日休息 : 邊個趕 澳門 葡籍人士去死?

澳門 人在英國,一個由成立開始立心用假人嘅page同website,咁樣做嘢,大家都估到係五毛所為。只不過,中共要用件咁嘅五毛,一個連英國憲制係「國會無上」,國會鍾意點改法律,只要唔違反EU Law都可以改嘅憲制都搞唔清楚,仲好意思攞住《中英聯合聲明》英方備忘錄以為係聖旨嘅膠人,佢心裡盤算係,一直係我最想知。只不過,由陳雲自己走出嚟要救呢位 澳門 膠人果陣,其實邊個派系,甚至背後圖謀都好清楚。

澳門 人過英國好好玩

啟發我係 澳門 人在英國嘅banner picture,乜話,去英國享受生活,咪玩喇,成個歐盟嚟講,英國生活費係最貴,而生活環境,英國同歐盟其他成員國比,英國係差好多,如果唔係歐陸語文係香港唔夠普及,我會建議香港人先考慮歐盟,連Colin Firth都變咗意大利公民果陣,如果一個正常識葡文嘅葡籍人士,一係返葡萄牙做嘢,有唔少英國人過葡萄牙住享受較好嘅生活環境,同低好多嘅物價,而葡萄牙反而有唔少製造業,如果唔係只係想做荷官,點解唔去葡萄牙。而有葡語基礎,學西班文、德文、法文都係唔算好難,歐陸大把國家好食好住,點解有人講去英國係享受人生。

但如果係中共官員,你諗法就唔同,點解 澳門 人在英國要踩BNO,當然有啲澳門傻仔係果種「仇港情結」,但中共好清楚,澳門人喺1966年123事件後,好聽中共話,相反,香港嘅BNO係最反對中共嘅一批人,對中共嚟講,如果我要派第五縱隊滲透英國,梗係趕晒成班 澳門 人去,而且 澳門 好多葡籍人士唔識葡文,英文唔係特別好,又唔係好有才能,如果做嚟做去都係賭,反而中共容易控制,成班葡籍人士走去中共搞嘅同鄉會。相反,BNO係唔係咁多只係做東歐人做嘅基層工作,未必,因為香港BNO有好多有英聯邦學歷,陶傑嘅講法,似係FCO游說國會議員啲說詞多啲。

我同 澳門 係叫有啲淵源,畢竟我另一個身份係從商,唔係從政,如果澳門人真係想走,我睇法係學好葡文,反正你們作為葡國公民,做好公民證果刻,其實係做晒完整嘅葡國戶籍登記,你有葡國戶籍,去德、法行自由行動好容易,特別醫療保險果部分,駛鬼靠乜乜人在英國老點你。就算去法國、去德國讀書都係好選擇,至於去英國,居然一個生活費咁貴,而英格蘭管理一塌糊塗嘅程度遠超我之前預計嘅國家,有人話你聽去「享受生活」,仲要雖然依家英國正式「脫歐」係2021年,但如果英國果啲疑歐派作反,歐盟公民係唔係真係住到落去都唔知,仲叫你過去,好明顯,果條友係立心不良。

當然, 澳門 人在英國唔表露真身,立心隱藏身份,我係一個表明身份嘅真人,點解我要同佢講道理。如果雙方係有真實身份,一場辯論係可以嘅,但如果對方係立心收藏身份,你係唔需要同呢個人傾落去。我做法好簡單,就係當五毛打落去打到底。

喺 澳門 人在英國好多戶口好明顯係假戶口果陣,條友就嚟被人打爆機果陣,Boss就出現,當然係陳雲根教授。我唔會低估一個德國讀博士嘅教授,畢竟哥廷根大學都係一間好有名嘅大學,福爾摩斯裡面果個終極大佬,都係一位教授嚟。只不過,如果話我移居德國,就話我背叛港獨,咁呢個人梗係當孫中山嘅歷史係流,孫中山喺1911年11月24日之前,都仍然喺海外,雖然好多人,包括我對孫中山好多作風不以為然,不過,如果無孫中山籌款,以及喺海外做聯絡工作,講真,大清帝國有無可能被推翻,我真係覺得一個疑問。更何況,我依家居於德國,其實都係為喺香港嘅事,只不過我為咗成個工作嘅完成,我梗係唔會講咁多,但我會成日穿梭英德兩國就係。我唔會成日話英美唔知密使定乜使會搵自己,呢啲實務國際外交工作,係只可以做,唔可以講,但一個真係真正支持香港自主嘅人,一定唔會支持永續基本法,或留低香港年青人喺香港作出無謂犧牲,最後攞著數係熱城呢班友,呢啲徹底出賣香港利益嘅主張就係。

BNO平權,同香港獨立,我都係由細到大立場一致嘅事,相反,有太多唔知邊度嚟嘅人,要扮權威,要扮專家,呃你唔駛本,仲要有立場新聞呢啲「傳霉」加持。對馬共,你只能用強硬手段,對中共,亦係一樣。我唔會再回覆陳雲同澳門人在香港。大家知道應該點做。

One thought on “星期日休息 : 邊個趕 澳門 葡籍人士去死?

  1. 「成個歐盟嚟講,英國生活費係最貴,而生活環境,英國同歐盟其他成員國比,英國係差好多……」
    期待黃先生先比較英德兩國。

發表迴響

你的電子郵件位址並不會被公開。 必要欄位標記為 *