張曉明

張曉明 升港澳辦主任?祝習近平好運

張曉明 傳聞將會升為港澳辦主任,佢唔喺中聯辦本來係好事,至少 張曉明 好難再直接搞屎搞尿。 張曉明 以港澳辦主任身份玩遙遠控制,並唔係想像中咁容易嘅。只不過,呢個任命係唔係喺中共官場嚟講對習近平有利,我只可以講,我只能祝佢老人家好運。

張曉明 呢個地方諸候尾大不掉

如果處理 張曉明 嘅手法,係俾個明升暗降嘅位佢做,或者俾個地方官做,好似彭清華咁,咁樣對清除 張曉明 嘅殘部容易啲,但依家係, 張曉明 仍然坐喺港澳辦, 張曉明 用佢喺香港嘅人脈,加埋中聯辦剩餘嘅舊部玩返新主任轉頭都仲得。我可以講,依家王志民呢個任命,搵番習近平擔任福建省職務果陣嘅舊部掌管中聯辦,想快啲控制中聯辦呢個機器,只不過,由於實力未夠,依家係出現一個半天吊狀態。有啲友仔知道個勢變,已經轉咗軚,好似新世界嘅紀文鳳,佢唔係無喇喇走去幫馮敬恩寫求情信。但有啲友仔,可能實際上係聽張曉明枝笛,日後西環日日惡鬥連場,真係花生都唔夠派。

但由 張曉明 升港澳辦最大問題係,依家造成尾大不掉嘅地方諸候,上海幫已經係一批人,搞到中共政治一堆問題,習近平最大政敵薄熙來,又係喺重慶搞出一大堆神鬼蛇神,無錯,薄熙來依家係仆咗街,只不過,帝吧好多出嚟出征,搞到大家笑到有腹肌嘅友仔,以我嘅分析,有好多嚟自成都同重慶,即係呢堆神檯貓屎搞出屎出嚟,換言之,習近平係唔係咁容易收番對香港政策嘅主導權,一啲都唔容易,相反,張德江呢啲人渣,繼續倒屎倒尿,但如果有乜責任,就全部推到王志民身上,屆時習近平喺香港,真係唔死得好難睇就怪囉。

依家調佢去港澳辦唯一好處係,如果習近平要雙規 張曉明 會快好多,至少呢條古惑佬無咁多戒備,習近平都慣用先升後擒嘅手段,呢個都要睇 張曉明 自己嘅政治判斷,去到點嘅位。如果習近平嘅人馬,搜集 張曉明 嘅貪腐證據夠嘅話,或者可能有啲嘢睇,李剛喺澳門中聯辦任內落馬,佢個阿頂就係王志民,而李剛好多衰嘢,又同香港中聯辦有關連,會唔會有人搞搞吓喺北京返返吓工,跟住被中紀委請去飲茶,大家可以睇下戲。

發表迴響

你的電子郵件位址並不會被公開。 必要欄位標記為 *