陳志新-min

陳志新 做野雞大學博士兼民建聯黨員唔該你收嗲

近排喺中聯辦啲仆街指揮之下,個個衝出嚟批鬥大學生,新亞校董 陳志新 梗係當人係失憶,撻新亞校董個朵,護住扶佢上位嘅黃乃共,係黃乃正先啱,話要登報出聲明,要反對港獨喎。如果你 陳志新 係一般正當商人兼中大校友,我只會當你得閒兼錢多,我未必會郁你,但你條友,唔係果回事囉。

陳志新 係民建聯黨員兼野雞大學博士

要Google一下 陳志新 個底,條友根本係花晒,中大校友統戰工作無人無到乜程度,其實都真係一眼睇得穿晒。

首先,佢個民建聯黨員身份,佢自己認嘅,

隔牆有耳:民建聯黨員陳志新有嘢講

果陣,李八方係咁報導件事:

中大校友評議會選舉聽日就舉行,主席候選人之一陳志新噚日主動同八方講,唔係想隱瞞民建聯黨員身份,只係唔想藉此宣傳,亦都唔想將政治帶入評議會。
陳志新又剖白入黨因由,佢話八九民運之後,有心「做啲嘢」,同幾個老友加入民建聯,但之後無參與黨務,「我都係想低調,(民建聯)啲信寄嚟,我都放埋一邊冇理」。不過佢無意退黨,「人哋越講,我反而越唔想退」。被迫「出櫃」參選,陳志新話其實只要有心為中大,「乜黨都冇所謂」

乜嘢政治唔好帶入評議會喎,依家少咗人睇住,條友咪即刻現身,你要撻新亞校董個朵唔緊要,唔該你利益申報咗先至撻朵,否則你就係政客做嘢無分別。

跟住,你做得新亞校董,黃乃正應該知道 陳志新 個學歷有問題,但點解新亞可以俾佢做校董,呢啲隨時做衰中大個朵都有份,

隔牆有耳:中大新校董 野雞博士

落選嘅周澄完成咗選戰,隨即展開追擊評議會主席嘅行動。佢同八方講,睇過陳校董份競選 CV,赫然發現佢嘅驕人學歷,包括美國林肯大學榮譽博士;呢間嘢,股壇長毛 David Webb早已起底。林大喺美國路易士安那州註冊,未獲美國教育部認可,學校登記地址,係一間律師行。唔知陳校董任內會唔會帶校友參觀林肯大學交流一下呢。

係囉,依家已經2017年, 陳志新 仲未交代佢果個野雞大學博士係邊個石頭爆出嚟,國力書院啲老友呀。依家仲好意思咁大聲出嚟反港獨喎。

中大所謂校友代表有幾污煙瘴氣,大家可以理解得到。

發表迴響

你的電子郵件位址並不會被公開。 必要欄位標記為 *