彭定康-2-BNO

彭定康可以點樣幫 BNO 平權

彭定康 訪港,透過大家都唔係太鍾意嘅劉慧卿嘅提問,拋出一個信息,他答應喺國會提出為 BNO 平權。當然, 彭定康 知道難度,所以 彭定康 好謹慎咁話,劉慧卿太高估佢作為議員嘅權力。只不過,如果你了解BN(HK)A 1997嘅歷史,就唔難明白 BNO 最終會點樣喺彭定康手上平權。

BNO 平權與上議院

BNO嘅平權路,一向同House of Lords好有淵源,由1996年講起,喺1996年,成棚香港將會無中國國籍嘅 BNO ,包括咗印度、尼泊爾、巴基斯坦,同埋少數因中國所簽國際條約緣故無中國國籍嘅南洋華人,得本 BNO ,一旦中國政府踢佢地出香港,就一定變in the middle of nowhere嘅國際人球,所以猛咁向英國救命,彭定康都向倫敦反映,咁樣係唔掂,但當時馬卓安政府都幾乎搖搖欲墬,大家都諗,英國邊有時間理香港人,當時Liberal Democrat嘅Lord Avebury決定幫呢班人,入咗British Nationality (Hong Kong) Bill,當時大家都覺得 Lord Avebury唔係執政黨成員無乜機會過,點知佢就係一夫當關,一路帶波落底線,去到1997年2月,因為情況真係好膠,馬卓安決定將呢條Private member bill變成Government Bill,得以喺下議院過關。

2009年,Borders, Citizenship and Immigration Bill審議果陣, Lord Avebury又以賭一鋪心態,入咗大堆同 BNO 相關修訂入去,大家都以為會全部退回,點知工黨政府願意食其中一條修訂做Government Bill一部分,即係 BNA 1981 Section 4B嘅計時炸彈條款,如果香港嘅 BNO 一夜之間無咗其他國籍即變BC。Lord Avebury兩次好似打欖球咁帶波落底線,為 BNO 攞到相對好嘅保障。

所以彭定康點樣喺國會辯論爭取平權,佢提一條 British Nationality (Hong Kong) Bill 2017就可以了,跟住就睇點同保守黨角力。但有一樣嘢留意,House of Lords由於無選民壓力,反而比較容易推動呢啲有啲政治風險嘅法案,而佢嘅前香港總督身份會比Lord Avebury更有力推動法案,所以大家知道,呢段路將會點衝落底線。

2 thoughts on “彭定康可以點樣幫 BNO 平權

  1. 其實,英國政府若有政治智慧的都應該給予BNO平權關可以世代傳下去!平權後的護照功能可以有區別;如:1997年以前申請的護照可視同本土護照的作用,而通過該護照所產生的如其子女或直系親屬(必須為香港永久性居民)的BNO可視為二代護照!英國政府可以通過發放護照持續對英藉香港人實行“管治”。對香港的現行政策實施起到有力作用!

  2. 如果香港嘅 BNO 一夜之間無咗其他國籍即變BC。Lord Avebury兩次好似打欖球咁帶波落底線,為 BNO 攞到相對好嘅保障==> 即BNO+特衰護照持有人即無資格T^T

發表迴響

你的電子郵件位址並不會被公開。 必要欄位標記為 *