政府新聞處-min

問 政府新聞處 : 黃世澤係唔係網媒

政府新聞處 提出網媒登記標準,呢個標準,話要每日交hard copy記錄出嚟,又要有編輯,又要有記者,當然,有啲老屎忽傳媒,梗係以為自己無事,只不過,政府呢個諗住封殺自己唔妥嘅網媒嘅標準,都係有loophole,而呢個loophole就係我。

政府新聞處 :我係唔係網媒

如果根據 政府新聞處嘅標準

  1. 提交在申請前三個月內定期於網上報道新聞的證明:我喺德國掟晒成份hard copy俾你 政府新聞處 慢慢同你玩。
  2. 每星期最少五日更新其新聞平台:我每日更新添
  3. 最少有一名編輯和一名記者:我搵個記者得
  4. 國際認可及知名的非本地新聞通訊社、報章、雜誌、電台和電視廣播機構:邊條友喺德國商業登記,仲要台灣、新加坡、香港都有地盤至得,我諗無幾個人可以喺《聯合早報》、《自由時報》同《台灣蘋果日報》寫嘢?

如果 政府新聞處 話唔得嘅,咁外國好多當紅網媒都會DQ,好似Qz、Huffington Post全部都唔駛玩,大家要記住,喺西方有唔少紙媒都變成網媒,例如英國獨立報,或者美國Newsweek,根本上,依家好多主流媒體,除咗果啲牌照費媒體(例如BBC、ARD,因為有法定職能),好多都打算由紙媒變成網媒, 政府新聞處 如果連黃世澤都唔係網媒,我諗好多西方媒體都可以被DQ。

恕我難聽啲講,依家 政府新聞處 嘅申請標準,唔單只嚴苛過立法會秘書處嘅標準,仲要衰過德國申請文化人Social Security供款嘅標準,喺德國,我都可以用自由記者同作家身份,選擇改供文化人用嘅Social Security,而唔係一般人嘅Social Security。 政府新聞處 被懷疑係放水俾HKGPao、香港01,甚至點新聞呢啲土共網媒,放水俾眾新聞,甚至factwire,跟住封殺其他網媒,又有乜出奇啫?所以記協竟然對政府嘅做法收貨嘅話,真係太令人無眼睇。但我唔會失望嘅,大家要記住,香港好多新聞膠,佢地以為跟政府路線,但又有少少批判,就叫好清高,其實你班友由頭到尾都無認真捍衛過新聞自由。

發表迴響

你的電子郵件位址並不會被公開。 必要欄位標記為 *