曾樹和-min

公民拘捕 曾樹和 同何君堯

曾樹和 同何君堯兩條友,公開喺集會度要殺港獨分子,呢個表面上肯定係刑事恐嚇,但我睇《侵害人身罪條例》,如果警察唔對 曾樹和 同何君堯展開拘捕行動,香港市民唯一可行選擇就係公民拘捕呢兩個人,掟上法院告呢兩條友串謀或唆使謀殺。

曾樹和 以為真係乜都可以講

根據現行《侵害人身罪條例》第5條,條文係咁寫

任何人在香港境內串謀、同謀及議同謀殺他人,以及在香港境內唆使、鼓勵、勸說、試圖勸說或建議別人謀殺他人,不論其謀殺對象屬何種國籍或具有何種公民身分或在任何地方,均屬犯罪,可處 終身監禁。

討論港獨唔犯法,但公開叫人殺港獨分子,就一定犯法,因為成件事,構成有人串謀、同謀及議同謀殺他人,以及唆使、鼓勵、勸說、試圖勸說或建議別人謀殺他人。殺人呢樣嘢,好多時唔係講吓就得。

仲有,如果香港警察唔做嘢都唔緊要,只要 曾樹和 同何君堯喺英國,有人向英國警方報案,我唔信英國唔做嘢,呢啲案件,喺歐洲嘅版本,一般係有域外法權,方便對付一啲獨裁國家嘅仆街,即係英國警方都有jurisdiction,侵害人身罪條例,其實係英國 Offences Against the Person Act 1861嘅香港版本,而同一條文,依家版本係咁

whosoever shall solicit, encourage, persuade, or endeavour to persuade, or shall propose to any person, to murder any other person, whether he be a subject of Her Majesty or not, and whether he be within the Queen’s dominions or not, shall be guilty of a misdemeanor, and being convicted thereof shall be liable to imprisonment for life

曾樹和 最好一世都唔好去英國探親,呢件事,一定大把人報警。佢喺香港亂噏,都無關係,有人報警就要處理。

發表迴響

你的電子郵件位址並不會被公開。 必要欄位標記為 *