鏘鏘三人行-min

由 鏘鏘三人行 停播講起

一直以嚟,我都唔會鬧梁文道投共,因為大家都相識喺仍然係寂寂無名嘅文化人時期,而 鏘鏘三人行 呢個節目,亦係一個對中國嚟講應該好嘅嘢,三條友透過幽默嘅言談,擴闊中國人嘅眼界, 梁文道 同竇文濤嘗試係踩鋼線。只不過,呢個實驗反映咗,試圖「鑽中共空子」去改革 國嘅實驗,已經證實係失敗。

鏘鏘三人行 無法撼動中國

梁文道好早知道我直頭係港獨分子嚟,當然,喺1997-2004年嘅時空,我諗我幾乎係傻佬嚟,因為好多香港人都睇唔穿中共嘅真象,畢竟唔係個個好似我年青果陣咁就接觸中共黨史,同埋會識講華語。但我都係咁講,兄弟登山,各自努力,如果能夠改變到中國,無論香港獨立與否都係有好處,所以我對中國維權運動所知其實好深,甚至我做埋《零八憲章》嘅聯署人,就係咁解。而 梁文道 自己,都係《零八憲章》聯署人之一,如果係投共,就唔會聯署一份咁敏感嘅文件喇。

只不過, 鏘鏘三人行 做咗咁多年,如果真係改變到中國,呢個節目點會被人cut咗,一啲反應都無,如果喺歐洲,咁嘅節目cut咗,一早有人喺電視台大樓門口抗議,鳯凰衛視係香港做總部,好歹係仲有少少集會自由,一個中國人都無抗議,大家就知係乜事。無錯,喺facebook上好多五毛嘅戶口係假嘅,facebook都cut咗好多假人,只不過,呢啲假人唔少係真正嘅中國人,中國人就係選擇咗,為咗自己一己私利,唔理國家前途,一個民族集體唔負責任到呢個樣果陣, 鏘鏘三人行 停播竟然掀唔起任何漣漪就明乜事。 梁文道 作為商台封咪事件當事人之一,佢應該可以比較到,當年名嘴被封咪喺香港社會引發嘅波瀾,同依家 鏘鏘三人行 停播嘅分別。雖然現實證明,果兩件名嘴,根本亦都唔係乜嘢正人君子,大家俾呢啲名嘴呃咗n年都唔知乜嘢事。

所以 鏘鏘三人行 停播,我感覺係中國人比想像中更得救,而中國比想像中更獨裁,一個曾經請習近平老婆彭麗媛上去做嘉賓主持,經常攞江澤民嚟玩嘅節目,竟然喺習近平當政年代被cut,究竟中國仲有無前途,我只知道中國向納粹方向進發嘅方向好明顯,香港爭取獨立其實係救緊自己。

發表迴響

你的電子郵件位址並不會被公開。 必要欄位標記為 *