香港半年報告-min

要唔再出 香港半年報告 ?中國夠薑宣布中英聯合聲明無效

雖然已經遲大到嘅 香港半年報告 ,對好多香港人嚟講,係鬧得未夠盡(我睇過晒內文,唔好跟啲標題黨,熱普城啲仆街最多標題黨),但似乎玻璃心嘅中國人同中國政府,已經頂唔住,中國外交部發炎人,果位姓華嘅大媽,要求英國政府唔好再出 香港半年報告 。

唔出 香港半年報告 ?你中國宣布走數咪就得

對英國嚟講, 香港半年報告 係一定要出,一方面香港有成至少幾十萬英國國民,包括持有效BC同BNO人士,另一方面,英國國會素來重視恪守國際條約,當中國對香港嘅統治越嚟越殘暴果陣,英國學界同國會議員越關注,英國外交部越唔可能唔出 香港半年報告 ,隨時呢份報告有機會被MP鏟上天花板,只要有在英港人向佢嘅MP要求deposit一份對呢份報告嘅回應就得,因為deposit入國會嘅paper,就有機會喺國會會議攞出嚟討論,不論係committee meeting,定係MP對國會嘅質詢。雖然依家Boris Johnson,喺好多方面都係發揮唔到,一無是處。而 香港半年報告 作為英國履行國際條約嘅一部分,無論如何,英國政府會繼續出落去,甚至2047年後都會出落去。

有乜情況唔會出落去,有三種情況:

  1. 香港已經成為一個獨立國家,或英聯邦王國,唔駛出
  2. 香港已經歸英,屆時睇香港以海外屬地身份返英國,定係成為英國本土嘅一部分,如果變成英國本土嘅一部分,就會有埋香港事務大臣,另一樣嘢嘞
  3. 中國宣布走中英聯合聲明數

只不過,如果中國宣布走中英聯合聲明數,唔係含糊其辭嘅「成為歷史文件」,我諗件事會玩到十分之大,已經依家中國已經係實質違約,只要有人喺國會question外相軟弱無能,其實已經足以觸發好多英國回應走數嘅政策轉變,例如BNO平權,或者視特區護照為中國護照處理等等。如果係中國宣布違約,就更加簡單,英國固然可以做乜都得,包括《維也納條約法條約》各類條款,呢啲我之前都討論過,另一方面,《美國-香港關係法》,以及香港人財產權嘅保障,一連串連鎖反應,真係乜膠都可以發生嘅。

中國人想關門打仔,你發你個春秋大夢喇,野蠻的中國人。

發表迴響

你的電子郵件位址並不會被公開。 必要欄位標記為 *