馬斐森

如何令 馬斐森 飯碗都爛埋

作為英籍人士,一向都好難容忍持英籍人士,走去做中共走狗,無論係 馬斐森 ,周融定劉鳴煒都一樣,我對英籍人士係有番啲要求嘅。如果想做中共走狗,我對投資推廣署前署長盧維思係比較尊敬,佢真係歸化中國國籍,至少佢真心做中國人。

馬斐森 投共應該付出代價

馬斐森 就嚟唔做香港大學校長,將會就任愛丁堡大學校長,都走向聯署呢啲「反港獨聲明」,呢啲唔單只無腰骨咁簡單,如果愛丁堡大學俾 馬斐森 呢啲契弟做校長,唔變契弟大學就奇(做契丹人嘅契弟,你話幾核突)。而 馬斐森 聯署聲明果陣,大概只諗到未來喺中國招到幾多富貴學生整臭大學個朵,無諗過愛丁堡大學所在地蘇格蘭,本身都鬧緊獨立運動。無錯,要 馬斐森 為投共付出代價,最好方法就係同愛丁堡大學,以及蘇格蘭民族黨(SNP)啲人講,呢條友係唔可以做蘇格蘭嘅大學校長,如果佢喺香港都可以反對港獨,你覺得呢位大學校長會對蘇獨採取支持立場乎,大家唔好唔記得,由於BREXIT本身係走咗蘇格蘭人數,蘇格蘭人好可能尋求二次統獨公投,務求留番喺EU之餘兼同時離開聯合王國獨立。

所以我建議有幾個做法:

  1. 向愛丁堡大學校董會講明依家 馬斐森 嘅情況,證明佢同中共合作嘅行為,已經唔適任一個蘇格蘭嘅大學校長,要求未就任就炒咗呢條友, 馬斐森 自己咁鍾意做中國大學校長,叫佢自己去中國另謀高就喇。
  2. 如果你係蘇格蘭居民,不論BNO定BC,你都應該搵吓你嘅MP,同埋MSP傾吓偈,如果你選區嘅MP或MSP係SNP黨員仲好,SNP一定對呢啲契弟嘅行為好有興趣,屆時我真係留名食花生,等睇 馬斐森 點回應。
  3. 如果你係愛丁堡大學嘅學生,梗係搵你大學嘅學生會傾吓喇,係咪?

呢啲有外籍嘅校長,不論乜族裔,投共係一個都唔可以放過。至於美籍果位郭位,佢仲係台籍,呢條友係馬英九啲老友,爭啲被國民黨推到做中研院院長,呢啲友仔十之八九有份食台灣人夾棍,台灣人應該積極搜集郭位危害台灣國家安全嘅證據,呢啲台奸,一返台灣探親係應該被情報部門拉去問話,蔡英文政府有時對呢啲人渣太仁慈。

發表迴響

你的電子郵件位址並不會被公開。 必要欄位標記為 *