沈祖堯-min

沈祖堯 變咗契弟

沈祖堯 大家一度認為佢係比較開明嘅中大校長,特別你經歷過李腳掌、膠樽義呢啲惡頂校長, 沈祖堯 喺做逸夫書院院長果陣,都仲似番係一個人。只不過,呢次港獨論戰,竟然受壓於中聯辦下要拆港獨標語,你就知,呢條友變咗契弟。

沈祖堯 仲衰過膠樽義

我讀大學果陣,係李腳掌做校長,李腳掌係又寸又專橫,只不過,如果你條友夠英國式玩膠,佢玩你唔過,由大學校巴,到師生中心李慧珍樓,我都可以經歷過李腳掌嘅手腕,佢係真小人,唔駛講。至於膠樽義,正宗台灣國民黨式嘅仆街,你知點玩殘台灣國民黨班仆街,你就識玩殘佢,就係咁簡單。而 沈祖堯 係一個好識做形象工程嘅人,邊個做 沈祖堯 嘅spin doctor,我唔想講係邊個,但好多人都知。搵人包裝形象無問題,但做人要有底線,否則你只不過係偽君子,偽君子衰過真小人,因為偽君子難防。

而大學言論自由,呢條底線係不容挑戰,如果中國學生覺得自己反港獨咁X有道理,大可以烽火台前嚟個較量,如果驚語言唔中立,大家用英文隻抽算,反正喺南洋,語文有可能引起種族衝突果陣,都係用英文呢個工作語言嚟溝通,呢點我唔會反對嘅。校方又話講到搞國際化咁偉大,咁唔該喺港獨呢個議題上國際化。但依家 沈祖堯 撕標語,咁國際啲院校仲信你香港中文大學係一間英聯邦大學?

我想提醒一下 沈祖堯 校長,香港中文大學仲係 The Association of Commonwealth Universities嘅成員,香港三間英聯邦大學其中一間(另外兩間係香港大學,以及香港公開大學,到依家佢地嘅沙紙仲係英聯邦學位嚟,香港大學更加係創會成員),如果連埋中大亂將中大深圳沙紙意圖同中大本身沙紙魚目混珠嘅事件,一併向英聯邦大學協會投訴,我留名食花生將有乜反應。我諗 沈祖堯 好開心爭到英聯邦大學協會明年Summer School主辦權果陣唔記得,當年英國管治年代,英國人為咗確立中大嘅認受性,所以為中大申請加入英聯邦大學協會,成為少數成為英聯邦大學嘅中文授課大學,呢樣嘢,為係中大嘅國際認受性。有啲人攞中大嘅國際認受性,走去做契弟,令人失望。

(我會密切留意文振球9up啲乜,佢條友今日夠薑亂噏,我保證佢facebook上嘅嘢好快又喺呢度出現)

發表迴響

你的電子郵件位址並不會被公開。 必要欄位標記為 *