廢紙-min

香港擁有自己 廢紙 工業嘅必要性

好多環保膠,有一個好大問題,就係除咗打劫市民荷包,乜都唔識,而近乎香港出現 廢紙 無出路嘅問題,就係一個典型例子,大部分環保分子潛水消失,不知所謂。乜佢地唔係好重視 廢紙 回收,減少砍伐樹林嘅咩,點解佢地一個個消失得無影無蹤。

廢紙 工業係必須本土化

喺德國,對塑膠、玻璃同紙嘅回收政策係十分之嚴,除咗你嘅大廈垃圾徵費會隨垃圾回收度計算,市政府可以唔收你嘅垃圾都得。喺德國,任何膠樽裝飲品都會有徵費(Pland),如果你唔記得退番個樽去啲超級市場度,等於送0.25 EUROS俾政府,成兩蚊港紙,唔好講笑。但與此同時, 德國嘅 廢紙 、廢膠同廢玻璃回收工業係完整,喺德國,有用再造紙嘅信封同紙盒,速遞公司用嘅膠袋都係用回收嘅膠。玻璃當然回收為咗減少對landfill嘅壓力,但另一方面,玻璃回收喺一啲啤酒流行嘅國家,係有治安控制嘅作用,你睇灣仔警察總部對開一帶駱克道同分域街嘅玻璃回收桶,係警方主導,就知係乜一回事。

依家香港唔好同我講乜嘢回收物流園,過去港府批地俾回收物流園,根本又係俾果啲商會大佬攞嚟自己做生意嘅「商會」主導嘅行為,如果香港要 廢紙 回收要有效,不如撥地興建一個廢紙廠,並且港府同大公司承諾買一定量嘅回收紙仲好過。呢間 廢紙 廠,某程度上係香港成個廢物處理網絡嘅一部分,當然,仲要唔要維持由阿婆嚟收廢紙嘅安排,呢個需要社會商討,畢竟呢個已經同時涉及退休保障嘅政策同問題,我唔想有人乘機又推全民退保呢啲打劫市民嘅計劃。但係,如果香港有 廢紙 廠,相信要做到 廢紙 真正回收再做,係有效好多,而且唔會再被中國果啲發神經嘅政策,以及全無透明度嘅經濟狀況影響。中國唔再收 廢紙 好可能係經濟問題嘅先兆,大家睇海航一爆會唔會搞出連鎖反應,就知乜事。

依家好多環保分子,根本唔係同你傾環保。其實 廢紙 廠,大可以起喺將軍澳工業邨,只要方國珊唔好又係又反對,唔係又反對就得。但依家係,環保分子除咗亂咁要徵費,或者幫政府打劫市民外,呢件事,可以睇到呢班友同政府一樣咁無能。

發表迴響

你的電子郵件位址並不會被公開。 必要欄位標記為 *