海濱南岸-天文台

海濱南岸 違泊大聯盟聘請天文台睇水

海濱南岸 班違泊業主,為咗自己嘅違泊車位,惡到走到反對小巴總站。自上次公布車牌之後,班業主似乎驚咗小弟嘅全民黃腳鱲計劃,只不過,呢班冚家鏟唔係放棄違泊正正經經租番個車位泊車,而係走去請三件有礙市容嘅阿伯睇水,見到黃腳鱲通風報訊,叫呢班仆街揸車走。

海濱南岸 都有違例泊車睇水服務

海濱南岸-天文台
海濱南岸-天文台

根據報料人所講,相中呢三位阿伯,長期為 海濱南岸 違泊大聯盟提供服務,主要就係睇吓有無差佬或者黃腳鱲嚟抄牌,一見呢啲人,就立即快快揸走架車,暫避風頭,等抄完之後再繼續阻住個地球轉,似乎佢地寧願提供薪水俾三件阿伯,都唔肯放棄喺愛景街違泊。

我唔相信呢三件阿伯,係做義工幫班 海濱南岸 違泊大聯盟嘅仆街睇水,只不過,根據香港法律,呢三位阿伯好大機會係Joint Enterprise(串謀犯罪),正常牛肉乾係罰320,但好似今年8月,至火炭有條友提供收錢違泊睇水服務,由於可能干犯刑法,立即快快收皮,免惹官非。根據《道路交通(泊車)規例》,如果有人用比較重嘅罪行炮製呢班業主,連埋啲阿伯,全部個個罰兩千蚊銀紙,都咪話唔和味,包括乜嘢條文:

任何人致使或允許車輛停留在道路上不動,而停留的位置、狀況或情況,是相當可能危及其他使用 該道路的人的,即屬犯罪,可處罰款$2000。

依家 海濱南岸 班業主,如果有人攞住啲相,要求警方用呢條比較嚴嘅,以傳票方式告晒班大帝上法庭,我真係留名食花生,睇呢班業主連埋啲阿伯,仲有無面見人。如果有人識得班阿伯,都應該提醒班阿伯,幫人收錢睇水,或者唔收錢, 都係可能違反香港法律,牛肉乾佢地有份食埋一份。

9月17日,有6C試乘日,跟住好快又有 海濱南岸 業主委員會大會,我十分之想睇呢班友有幾核突, 海濱南岸 業主委員會大會,最好有人facebook直播,我想睇呢班違泊黨可以有幾核突,依家要對付啲違泊當食飯嘅死仆街,都要用九牛二虎之力,仲要警方做嘢好似極度軟弱無力。如果喺倫敦,呢啲車食咗十幾張牛肉乾,兼拖埋添,仲咁多嘢講咩。

發表迴響

你的電子郵件位址並不會被公開。 必要欄位標記為 *