港獨-2-min

撕 港獨 標語係刑事毀壞,唔係保護學生

唔知依家啲大學校長,係唔係爭做全國政協呢啲仆街位爭到打崩頭,個個爭住喺香港文革獻忠。依家理大校長講,撕 港獨 標語係保護學生。我真係十分之想知,撕 港獨 標語有乜法律理據,我只係知道,呢個有可能構成刑事毀壞,如果有人報警都應該有排膠。

港獨 違乜X法?

首先,談論 港獨 違反咗乜法律?《基本法》?喺《基本法》23條立法未完成,《基本法》無任何刑事法可以涉及其中。至於湯家驊資深大律師提出所謂理據,我相信如果記者有時間,不如問吓點解雪廠街、十一哥呢啲字,成日同湯大狀拉上關係,我相信好多人並唔想將佢嘅投共真相講出嚟。劉千石投共,仲可以話係徐庶翻版,但如果有人行為係有問題嘅話,呢種為免自己上身而投共嘅人,係會被人鄙視一世,而且一旦中共倒台,呢啲人係大家百倍奉還式對付。

咁依家講 港獨 違乜嘢法,請理大請條友同全世界解釋吓。如果有五毛抬出《刑事罪行條例》關於煽惑女皇罪行部分,首先,果啲罪行喺英國都有,但英國係政府同地方政府協議搞蘇獨公投,喺英國,係搞公開以獨立為目的嘅政黨都合作,包括蘇格蘭民族黨(SNP,我考慮入黨),同埋同武裝組織愛爾蘭共和軍一向關係密切嘅新芬黨(Sinn Fein)都係英國合法政黨,仲要有人係英國政府嘅官員。如果五毛仲引呢啲法律,我就以英國人身份同呢啲仆街講,唔識普通法就咪同我講high treason,如果講high treason,英國政府一早可以用呢條罪殺晒你班土共好耐添。黐線行去第二面,你班五毛只會越解越膠。

所以撕毀 港獨 標語,如果理工大學係無合理權限,我只會睇到一樣嘢,理工大學嘅人員涉嫌刑毀,如果有人報警,我睇警察查唔查。甚至理大學生會應該長期派人揸住GoPro影低班大學保安嘅樣,我睇大學啲保安仲敢唔敢為份工惹官非。我睇又係成班珍惜群組嘅爛仔衝入去玩嘢,其實應該有記者或人去跟蹤珍惜群組啲友仔嘅真身,同埋背後資金來源,係呢?點解Factwire又失蹤嘅,好似我呢個遠喺歐洲嘅生意人,都仲勤力過你班潛水大帝。

發表迴響

你的電子郵件位址並不會被公開。 必要欄位標記為 *